طبع خطيبك من طريقة أكله

علشان محدش يزعل منى من البنات فى موضوع قد قدمته سابقا

بعنوان

(( نصائح جامدة جدا للبنات ))

أقــدم لــكــم الـيــوم

مــوضـــوع آخــــر

بـعــنــــــوان

(( طبع خطيبك من طريقـة أكله ))

علـشـــان تــعــرفـــوا إنــى مُــحـــايــد

يــــــلا نـشـــوف طــبــع حبيبك عــامــل إزاى

1-إذا كان عادي يعني لا بياكل بسرعة ولا ببطء
ولا دايمًا شبعان ولامفجوع على طول
يبقى شخص معتدل في عواطفه وقراراته ويبقى ده
...آخرالرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب
وقبل ما يقوللك ازيك يقول لك ريحة التقلية تجنن
ياروحي إنتوا عاملين ملوخية على أرانب؟؟.. أموت أنا.. ويقعد
ياكل ويحشر لحد ما يغمى عليه..
يبقي انسان طفس.. وهوائي.. وطايش
وأوعي تتجوزيه أحسن ياكلك وانتي نايمة Very Happy

3- أما إذا كان مش مهتم بالمرة.. لايقولك ده
حلو ولا ده عادم ولا مالح ولا مستوي ولا لسه ني ولا بي*** أي
تعليق.. وعمره مايقولك جعان أو شبعان
يبقى إنسان مالوش لزمه.. وزي قلته..
وأنصحك بدل ما تتجوزيه إتبنيه Laughing

..

4- أما إذا كان بياكل زى مايكون حد بيجري ورااااه
وساعة الأكل بيجيله حالة صرع معوي.. ويقوم
من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد
الجواااز يكتشف إنك لست ملهمته..ولست
فتاةأحلامه ولستِ حلمه..
ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل
صنف لوحده.. ويسأل عن كل صنف إيه
مقاديره ومعمول إزاااي ويقعد يستطعم ف الأكل
من العصرللمغرب
حاسبي منه يا اختي ده النوع اللي له مخ.. وبيوزن
الأموربطريقه تفقع المرارة.. ولو في يوم طلبتي منه يقولك
كلمة حلوة هايقولك مش عامل حسابي ويقعد
يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظم شلل رعاش بدري بدري
إخلعي يا أمي

6- أما إذا كان بيقعد يقطع ف الأكل زي مايكون ف خناقة
ويخبط في طبقه من الغل.. ويقطع حتة اللحمة زي
ما يكون بيدبحها.. ويتفتف.. ويتكلم.. طول ماهو
بياكل لما يغرق وشك أكل..

ده شخص عصبي جدًاااا.. ومع أول خناقة هايروح
مناولك بالكرسي ف راسك أوبالسكينة ف عينك
يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""

7-أما إذا كان دايمًا قرفاااان دايمًا مش عاجبه العجب
ولا الصيام في رجب.. يع.. الملوخية
تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف..
الرز محصويل.. يامَّه المكرونة معجنة..
إذا كان كده توكلي على الله وهاتي أحمى ساطووووورعندك
وأنا أعرف لك واحد محامي هايطلعك منها زي الشعرة م العجيييين
والأحسن من ده كله. مالها القعدة ف بيت أبووووووووكي؟؟

و دُمــتـــــــــــــ Laughing

ــــــــــــــــــــــــــــــــم

من طرف **عماد الدين** الإثنين 07 فبراير 2011, 4:24 pm

المشكلة ان اخوتها برده هيكون فيهم الصفات دى
خلاص تتجوز بقى وهى وحظها
وعلى رأى المثل
ابنك على ما تربيه
وجوزك على متعوديه

احنا بنهدى النفوس بس يا عمدة

ههههههههههههههههههههه

الاخ عمر مش هاين عليه يعنس لوحده فقال :ثواب الجماعة اكبر بكتير
فيها ايه لما اعقدهم معايا شباب وبنات
ارحمنا يا اخي من نصايحك دي مش ناقصين عقد هههههههههههههههههه

هههههههههههههههههههههههه

حلوة أعنس لوحدى دى

هههههههههههههههههههههههههههه

على العموم أنا ما عليا إلا النصيحة

شكرا على النصايح برضه ارحمنا

ربـــنــــــــــــــا اللى بيرحم

و أنا استحالة يكون عندى نصيحة و أبخل بيها على حــــــــــد

ياحونين ياعمر

أمـــــــــال إيــــــــــــــه

على رأى بيت الشعر اللى بيقول

إذا أردت الحـنـيـــــــــة يـــا قــمـــــــــــــر **** دور عــلــيــهـــا فــى قــلــــب عُــمــــــــر

من طرف **سمكة القصير** السبت 12 فبراير 2011, 10:28 am

كده كده
وياترى الشاعر ده اسمه ايه ياحونين؟

الشاعر رقيق المشاعر

طبع خطيبك من طريقة أكله

طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله

رد: طبع خطيبك من طريقة أكله