عمرك سمعت واحد بيتكلم هو و خطيبته.......... ادخل و شوف

من طرف **المدير العام** الإثنين 24 مايو 2010, 9:14 am

خطيب و خطيبته بيحبو بعض مووووووووووووووووووووووت

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

الحب ولع في الدره

من طرف **حنينى انا** الإثنين 24 مايو 2010, 10:56 am

هههههههههههههههه جميل يا مدير بس فكرك ده اللى بيحصل

[ندعوك للتسجيل في المنتدى أو التعريف بنفسك لمعاينة هذه الصورة]

البنات نوعيات و نوعيات
والحموات كلهم واحد
واللموضوع اللى انا ذكرته بيحصل بنسبة 20% و بس

من طرف **سمكة القصير** الجمعة 28 مايو 2010, 3:02 pm

اناشايفه ان ده بيحصل بنسبة 2%بس مش 20% دلوقتي الحب مولع في الدرة يامدير

من طرف **المدير العام** الجمعة 28 مايو 2010, 3:12 pm

ههههههههههههههههههههههه
ده قبل الخطوبة بس

عمرك سمعت واحد بيتكلم هو و خطيبته.......... ادخل و شوف

عمرك سمعت واحد بيتكلم هو و خطيبته.......... ادخل و شوف

رد: عمرك سمعت واحد بيتكلم هو و خطيبته.......... ادخل و شوف

رد: عمرك سمعت واحد بيتكلم هو و خطيبته.......... ادخل و شوف

رد: عمرك سمعت واحد بيتكلم هو و خطيبته.......... ادخل و شوف

رد: عمرك سمعت واحد بيتكلم هو و خطيبته.......... ادخل و شوف