راحت فلوسك

من طرف **اشرف** الأحد 19 يونيو 2011, 2:02 pm

[ندعوك للتسجيل في المنتدى أو التعريف بنفسك لمعاينة هذه الصورة]

راحت فلوسك

ضاعت فلوسك يا مصري

خدها حسين .... و طار

حتي الجنيه المصري

صبح يورو و دولار

و انفض المولد و الحمص

لا لحقنا نابت ... و لا ترمس

دول كانوا فاكرينها

شطارة

و الغاز اتصدر بخسارة

لعبوها لعبة أشرار

ضاعت فلوسنا ... و مش جاية

لا هتنفع و لا ألف قضية

و ان روحنا محاكم دولية

و رئيسنا المخلوغ ...

ماهي جاية

و أهي طارت زي العصافير

تسألني فيه فلوس بتطير

هقولك حصلت ف بلدنا

طارت و ........ و احنا أخدنا

ايه !!!!!!

غير لبس الطراطير

طارت فلوسنا بلا رجعة

تطلع أو تنزل مش راجعة

بتقول ايه ؟ مش سامع

راجعة

لا ده أنت بتحلم

بمفاجأة

لو فكرك راجعة

أكيد واهم

دي فلوسنا

ويّا حسين سالم

و أهو طار بيها

فايز .... غانم

و لا أنت شكلك

مش فاهم

راحت فلوسنا

بلاد تانية

طارت بالساهل

و ف ثانية

بيدفعها كفالة

ف أسبانيا

ضاعت فلوسك

يا مصري

كلمات

أشرف سيد

من طرف **المدير العام** الأحد 19 يونيو 2011, 2:22 pm

برنس و الله

و خايف على نفسك منى

ماشية معاك زى السكينة فى الحلاوة أهو

اللهم لا حسد

رائعة يا برنس

من طرف **اشرف** الأحد 19 يونيو 2011, 3:38 pm

و الله يا مدير الكلام طلع لوحده أصل دمي اتحرق و أنا شايف الفلوس بتاعتنا بياخدها الأسبان
و احنا أخدنا ........ ايه غير الضغط و حرق الدم

من طرف **المدير العام** الأحد 19 يونيو 2011, 3:41 pm

هههههههههههههههههه

و الله عندك حق

27 مليون يوروا كفالة بس

ليه!!!
أمال الراجل ده يمتلك قد إيه

حسبى الله و نعم الوكيل

من طرف **سمكة القصير** الإثنين 20 يونيو 2011, 3:01 am

الله ينور ياشاعرنا
وحسبنا الله ونعم الوكيل في الناس اللي زي مبارك وحسين سالم ،رجلهم والقبر ومش عايزين يرجعو حقوق الناس

راحت فلوسك

راحت فلوسك

رد: راحت فلوسك

رد: راحت فلوسك

رد: راحت فلوسك

رد: راحت فلوسك