يرضيكي أفضل كدا

من طرف **اشرف** الأربعاء 08 يونيو 2011, 3:06 pm

يرضيكي أفضل كدا

شعر : عبد الناصر علام

لوتقطعيه الوصل يبقي ارحم

حلمي اني أسمع صوتك البلسم

واشوف جمال الدنيا بعنيكي

أتاريني في بحورك يادوب..

انا لسه با اتعلم

**

ضحّكتي طوب الأرض علي قلبي

وانا في انتظارك.. ماسك "البلالين"

وانتي اللي كنتي الوعد..

خونتي الوعد .. إيه ذنبي

أتاريكي كنتي.. لقلبي بترّبي

باصة عليا بسخرية ..

وبقلب مش بيلين

**

طلع لسانه البحر ..

وسأل عروسة البحر

والورد سأل الندي ..

طب ليه بتعمل كدا

واحتج رج الدمع في عيوني..

أنا دوغري من صغري

ومشاعري ماسك فيها بإيديا

وعينيا لو لمعت..

ما با خرش الدمعات

**

بعترت قلبي .. وقلبي ولا طالك

مأسوف عليا وقلبي.. وّطالك

أنا با اعترف .. با اختلف ..

عن كل قلب وروح

وضحوك حزين وصبوح.. في كاس واحدة

با ابقي في غاية الجمال ..

واتدفي بالوحدة..

وبا اهد عشي..واعيده من تاني

رمشك يقطّع قلبي رايح جاي ..

بإيد واحدة

**

مبسوطة دلوقتي.. يافرح وحزن

بعتيني قبل العرض للجمهور

وانا الرهيف الضعيف القلب قدّامك..

مبهور بحسنك ياعبير الورد

أنا اللي زيي مايستاهلشي الطرد

ولا يسخروش منه

وان كان عليا الدين.. أوّفي الندر

أيوة انتي .. إنتي الشمس ..

والبدرالتمام

وانا قلبي ما اتعلمشي ..

ولا قال لك بكام

في العشق هايفاصل

ومافيشي فاصل.. بين يجوز.. يمكن

بين اللي مش ممكن

قلبي ما خدشي خوانه وفتحلك

وبرغم صدقي معاكي.. ما غفرتيش

رغم اني ما أسأتش

ولا ما اقترفتش ذنب

أنا كنت با استناكي من قبل البعيد

وبا اجمّع التايهيين .. في صحراء الوجود..

وبا اعيد

وفي كل عيد..

أحلم واكون..

خاطفك علي حصان الخيال

انا روحي عارفاكي

تفاصيل ميلادك كنتها

وانتي اللي عمري ما خونتها

أنا با اعرفك..

من قبل ماتصافح عينيا الشمس

من طرف **سمكة القصير** الخميس 09 يونيو 2011, 3:52 am

لا مايرضنيش........................مشكور يااشرف

من طرف **اشرف** الخميس 09 يونيو 2011, 10:39 am

و لا أنا ...... شكرا مرورك الكريم يا سمسمه

حلمي اني أسمع صوتك البلسم

واشوف جمال الدنيا بعنيكي

أتاريني في بحورك يادوب..

انا لسه با اتعلم

**

ضحّكتي طوب الأرض علي قلبي

وانا في انتظارك.. ماسك "البلالين"

وانتي اللي كنتي الوعد..

خونتي الوعد .. إيه ذنبي

أتاريكي كنتي.. لقلبي بترّبي

باصة عليا بسخرية ..

وبقلب مش بيلين

*******

إنت كده جبت من الآخر

الله ينور يا أشرف على القصيدة الروعة

يرضيكي أفضل كدا

يرضيكي أفضل كدا

رد: يرضيكي أفضل كدا

رد: يرضيكي أفضل كدا

رد: يرضيكي أفضل كدا