كلنا ولادك يامصر

من طرف **فتحى عبدالله** الجمعة 29 أبريل 2011, 1:14 pm

كلنا ولادك يامصر

كلنا ولادك يامصر فى انتكاثه او فى نصر

وحده وحده دم واحد المسيحى فى ايده مسلم كلنا ولادك يامصر

المساجد والكنائس رب شاهد رب شايف كان هدفنا الانتصار

قلب واحد والدعاء للرب واحد شعب كامل للفساد قام وثار

فى الميدان حنا كان رافع صليب والكتاب فى ايد محمد فيه ايات كان شعار

كان بيجمعنا الرغيف كنا بنداوى جروحنا من النزيف كان غطانا فى برد ليلنا خط نار

ايد فى ايد ايد تحافظ على التراث ايد بتحرس فى الكنائس المساجد المتاحف الاثار

ايد تحارب دكتاتور حزب وطنى كان رئيسه مبدائه كان الدمار

قالوا فى بينهم عميل قالوا فى ايديهم سلاح والاشاعه من الاذاعه يعنى عار

فجأه شوفنا بلطجيه فى معركه راكبين جمال راكبين حصان رافعين سيوف وخدين قرار

قلنا مين قالوا انصار النظام واللى فاهم قال دا ضعف يعنى معناه انكسار

قلنا لازم الخلاص هو يرحل لو هنعمل فى الميدان الف زار

والنهايه شعب بعزمته انتصر والرئيس من ارادة الشعب انعزل بعد طول الانتظار

والسعاده فى الميدان كله كان فرحان عشان انتهى عصر الحصار

واللى باقى من النظام تاه بمكره فى الزحام تاه عشان فيه اوامر من الكبار

قالوا فتنه طائفيه مصر اكبر من مشاكل داخليه مهما طال ليلك يامصر جاى نهار

مصر رب الكون حميها مصر مذكوره فى اياته انها بلد الامان انها بلد العمار

اللى سافر واللى فيها قبطى كان او مسلميها حقنا على ارض مصر كلنا لازم نقدم اعتذار

كلمات
فتحى عبدالله
طحا المرج
شرقيه

من طرف **سمكة القصير** الجمعة 29 أبريل 2011, 1:54 pm

ناااااااااااااااااااايس كلمات اخ فتحي واهلا وسهلا بيك معانا في منتديات القصير البحر الاحمر ،نتمني انك تستفيد معانا وتفيدنا

من طرف **المدير العام** السبت 30 أبريل 2011, 3:30 pm

كلمات جميل يا أ /فتحى

تسلم الأيـــــادى

و أهـــــــــــــــلا بـــــــك مــعـــــــــنــــــــــــــا على صفحات المنتدى

متمنين لك الإســتفـــــــادة و ننتظر منك الإفـــــــــادة من موضوعاتك

كلنا ولادك يامصر

كلنا ولادك يامصر

رد: كلنا ولادك يامصر

رد: كلنا ولادك يامصر