للمتزوجين فقط

اتنين متجوزين قرروا يروحوا يصيفوا ع البحر في نفس الفندق اللى قضوا فيه شهر العسل زمان ، ولكن الزوجة كانت مشغولة فاتفقت مع زوجها انة يسافر لوحدة وهي تحصلة بعد يومين
وصل الزوج على الفندق ودخل الغرفة فوجد كمبيوتر في الغرفة ومتوصل بكابل الأنترنت فقال : يبعت إيميل لزوجتة يطمنها على احواله
بعد ما كتب الرسالة وهوبيكتب عنوان البريد الإلكتروني لزوجتة أخطأ في كتابة حرف في العنوان وبالطبع راح الإيميل لشخص تاني
تصادف إنة راح لأرملة لسه راجعة من مراسم دفن زوجها بنفس اليوم
الست الأرملة فتحت الكمبيوتر بتاعها لتقرأ ايملات التعازي وقعت على الارض مغمى عليها بلحظة دخول ابنها اللى حاول يسعفها بكل الطرق ولم يفلح في افاقتها
نظر الإبن الى كمبيوتر والدتة وقرأ الرسالة التالية : زوجتى العزيزة .... وصلت بخير .... ويمكن تتفاجئي لأنك هتعرفي أخباري عن طريق الأنترنت ، لأنة دلوقتي بقى في كمبيوتر عندهم والواحد يقدر يبعت أخبارة لأهلة وأحبابة يوم بيوم ... أنا بقالي ساعة واصل وتأكدت إنهم جهزوا المكان وكل شئ ومش باقي غير وصولك لعندي هنا بعد يومين ... إشتقت لك كتير ومشتاق أشوفك وبتمنى تكون رحلتك سريعة زي رحلتي بالظبط
ملاحظة : مش ضروري تجيبي ملابس كتيرة معاكي لان هنا الحر شديد قوي قوي ...هقولك ايه... جهنم






واحد وهو بيموت نظر لمراتة نظرة حزينة وقالها : لما أتطردت من الشغل كنتي جنبي ولما مرضت فضلتي معايا ولما فلست برضو فضلتي جنبي ولحد دلوقتي وانتي معايا ... مش عارف ليه حاسس أنك نحس





مسطول راح المحكمة .. القاضي بيسألة أنت متجوز مين؟ قالة : واحدة ست .. القاضي قالة : أنت هتهرج؟ امال في حد بيتجوز راجل ؟ قالة : اه أختي




فلاح داخل على مراتة مكشر ومهموم قالتة مالك ياابو العيال قالها عملت حادثة بالحمار قام مات قالتة ولا يهمك دخلتك عليا تساوى 100 حمار





عروسة بتقول لعريسها بعد شهر العسل ما خلص : احنا هنبقى 3 يا حبيبي ... قالها : بجد انتي حامل ؟ قالتلة : لأ ماما هتيجي تعيش معانا



واحد قتل مراتة بيسألوة في التحقيق أسمك أيه؟ قالهم : فاعل خير




واحد راح شركة الطيران وقال للموظف : لو سمحت عايز تذكرة للصين بأسم مراتي علشان اديهالها هدية في عيد جوازنا الأول
رد الموظف وهومستغرب: لما في اول عيد جواز هتسفرها للصين أمال في عيد جوازكم الثلاثين هتعملها ايه؟
قالة : هروح أجيبها

شكرا لمروركم