زيارة فى المنام

زيـــــــــــــارة فــى الــمـــنـــــــــــــــــــام

[ندعوك للتسجيل في المنتدى أو التعريف بنفسك لمعاينة هذه الصورة]

نامت بعد بكاء طويل

ودموعها ع الخد نازله

تكتب أنساك مستحيل

تحلف إنت وردة شابة

رافضه تفهم بالدليل

إنها مش راح يوم تشوفك

معذورة الصدمة جامدة

جالها وف منامها زارها

وزى ماكان دايماً بيعمل

صحاها من عز نومها

وبإبتسامة صافية حلوة

قالها حبة كلام

قالها مش فاكرة ياما

لما بكينا على الظروف

قالها مش فاكرة انك

قولتيلى اتعلم تشوف

قالها انا لسه فاكر

كل درس فى القراءه

قالها أنا مصرى جداً

مش بس خانة ف البطاقة

قالها حافظ النصوص

قالها انا قولت تحيا

كل صبح فى الطابور

قالها إزاى انا ارضى

تحكمها عصابة لصوص

قالها انا عشت فيها

ولما مت كان عشانها

قالها علشانى ياما

ربى جوا اخويا راجل

علميه يحب البلدى

علشان حريتها يناضل

ولو صحيح مشتاقه ياما

لضحكة منى او لـ ضمه

وعد بكرة هتشوفينى

لما تبقى مصر حرة

أيوة ياما هتشوفىنى

فى قلب ضحكة كل مصرى