مش هنخاف

مش هنخاف


اتعلمنا ..... و اتكلمنا
و مش هنخاف
جوعتونا .... و جيتوا علينا
و استكترتوا العيش الحاف
فسرقتونا ....... و نهبتونا
و قولتوا علينا ....
لذاذ ... و لطاف
يمكن كنا زمان بنخاف
اتعلمنا .... و اتكلمنا
و مش بنخاف

راح نحاسبكم ..... علي مكاسبكم
الاف ..... و الاف
راح نواجهكم .... و أدي تاريخكم
للي م يدري .... و اللي م شاف
لما كتيرتوا زي السوس
و احنا علينا الغلا بيدوس
جالكو منين .....
عمارات ..... و فلوس
و احنا جيوبنا جالها جفاف

راح نسألكو ......
ف اللي عملتوا
و مش هنخاف
قولتوا كتير ... و الفعل قليل
و فرشتولنا الأرض حرير
بكلام مبهم ... مش شفاف
صدقناكم ..... و خدعتونا
و شبعتوا انتو ... و جوعتونا
و استكترتوا العيش الحاف
احنا فهمنا ... و اتعلمنا
اتكلمنا و مش هنخاف

ماهو ضاع صوتنا ....
لما سكتنا
و قولتوا علينا ...
اننا بنخاف
ظلم و دوقنا
و خلاص فوقنا
عرفنا حقوقنا .... و مش هنخاف
م احنا فهمنا .... و اتعلمنا
اتكلمنا ...... و مش هنخاف




اهداء : شاعر المنتدي

شكرا يا عمده ..... شكرا يا عمر و علي فكره كل اللي انا بأكتبه هو من أفكاركم أنتو
و ربنا يوفقكم لأننا مش ممكن نتغير و نصلح الا لما نتعرف علي الأخطاء ..... معرفة الأخطاء و الاعتراف بالخطأ بداية الاصلاح