الشعب بيتنفس حريه

امبارح كنت في القاهرة وكانت مدة الرحلة ذهاب واياب ومشاوير في القاهرة 24 ساعة فقط
المهم انى لاحظت حاجة في القاهرة عمري ماشوفتها خلال السنين اللي عدت
الهوا بقي مختلف ..ايوه والله مختلف
كل واحد بيحكم نفسه طبعا في ظل غياب الشرطة مفيش رقيب على حد غير ربنا وضميره
وكمان لاحظت ان اخلاق الناس اتغيرت شويه يعني مثلا سواقين الميكروباص كانت الشتيمه معاهم زي اللبانه دلوقتي مافيش شتيمه زي الاول
وكمان علم مصر على كل تاكسي وملاكي وفي الشوارع
احساس الشعب انه بيشتغل علشان ربنا وبس خلاهم يحبو بعض يعني اللي بيحكمهم الضمير مش الشرطه
احساس الانسان اللي كان محتل واتحرر ...احنا ماكناش محتلين من عدو بس اللي كان محتل قلوب الشعب الخوف من النظام وبطش الشرطه لكن دلوقتي بجد الشعب بيتنفس حريه

يسلام لو نصبر سنة واحدة بس
ان شاء الله هنوصل للاحسن
وخلى الشعب يتنفس هواء نقى

شكرا مروركم الكريم
في الموقف ده هاقول كلمتي المشهورة
الافضل لم يأتي بعد