ارحل

من طرف **اشرف** الأربعاء 09 فبراير 2011, 9:53 pm

ارحل
[ندعوك للتسجيل في المنتدى أو التعريف بنفسك لمعاينة هذه الصورة]

ارحل

الشعب قامت له خلاص قومة
تلاتين سنة كان نايم نومة
فينك يا نظام ... هنا يا حكومة
و لا نزلت علي راسكم شومة
*******
المصري خلاص كسّر خوفه
ف ميدان التحرير روح شوفو
ما هو أصله يحب الحرية
من قبل كمان مينا و خوفو
********
المصري طول عمره ف حاله
يحلم تتحسن أحواله
راضي بقليل ..و ان خير جاله
ح يقوم و ينام مرتاح باله
********
دايما تلاقيه واقف ف طابور
أنابيب و العيش أو حتي مرور
تلاقيه شقيان و حمول و صبور
ده مسيره ف يوم الفقر يغور
********
احسبها و شوف أي ماهية
ما تكفي لا فول و لا طعمية
فعملنا مظاهرات سلمية
و هدفنا عدالة اجتماعية
*********
المصري كريم للي يصونه
و عنيد و يعادي اللي يخونه
و سنين يا ما شالك ف عيونه
ارحل .......
ارحل .. و اتقي شر جنونه

كلمات : شاعر المنتدي

من طرف **سمكة القصير** الخميس 10 فبراير 2011, 9:23 am

ياسلام ياشاعر الله ينور عليك

رائـــــــــــــــــــــــــــــع

بس بلاش الرحيل دلوقتى

من طرف **سمكة القصير** الجمعة 11 فبراير 2011, 9:58 am

غالي والطلب رخيص مش هايرحل غير لما احنا نرحل

أنا ضـــد الفتنة و ضــد التخريب و ضــد نظام مبارك

لــكـــــــــــن مـــع الإســتــقــــرار

و الاستقرار حاليا فى ظل وجود مبارك حتى انتهاء فترة حكمه

يا جماعة الراجل ده بقاله 30 سنة و فاهم إزاى يتعامل مع الدول الخارجية اللى عايزة تضرب استقرار البلد دى

على الأقل نستنى لما يفهم اللى بعده على سياسة الدول دية

شوية تحكيم للعقل

من طرف **سمكة القصير** السبت 12 فبراير 2011, 10:26 am

اهو رحل خلاص واللي جاي ان شاء الله احسن

يـا خُـــوفـى مـــن اللـى جـــــــــاى

من طرف **اشرف** السبت 12 فبراير 2011, 4:37 pm

يا عمر اللي جاي عمره ما هيكون زي اللي فات علي الأقل مفيش حد هيحكمك 30 سنه

من طرف **المدير العام** السبت 12 فبراير 2011, 5:25 pm

ما بتكلمش على إن حد يحكمنا 30 ولا حتى 10 سنين

أنا بتكلم على حاجة تانى خالص

ارحل

ارحل

رد: ارحل

رد: ارحل

رد: ارحل

رد: ارحل

رد: ارحل

رد: ارحل

رد: ارحل

رد: ارحل