25 يناير

من طرف **اشرف** الثلاثاء 08 فبراير 2011, 7:50 pm

25 يناير
و مصر شبابها ثاير
ع الظلم و ع الفساد
و عن الفقر اللي زاد
ع الجهل و ع البطالة
و عن معني العدالة
شبعنا يا ناس قوالة
يا ثورة يناير
يا صحوة الضماير
25 يناير

*********
يا نظام وحكومة شاخت
ف كلام و سياسة باخت
و الشعب صبور و ساكت
و جات ثورة يناير
بركان الغضب الساخط
25 يناير

********
ف حكومة الانجازات
الرأي الحر مات
لا محال و لا معجزات
تلاقي شباب الشات
صاحب ثورة يناير
25 يناير

*******
رجعت هيبتك يا مصري
يا نظام ف الخيبة حصري
ده احنا هدفنا ف يناير
حرية بشكل عصري
ف 25 يناير

******
شباب طالب تغيير
من بعد سنين تأخير
و ده حقه ف التعبير
و أدي ميدان التحرير
شاهد ثورة يناير
25 يناير

شاعر المنتدي