طرق العكننة الزوجية ( إزاى تعكنن على مراتك )

قــرفــان مــنــهــا و عـايـز تعكنن عليها؟؟؟

مــعــــايــا الـحـــل

دى ألذ طرق للعكننة الزوجيـــــة

[ندعوك للتسجيل في المنتدى أو التعريف بنفسك لمعاينة هذه الصورة]

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت
ترجع تنام تانى قول لها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر
البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00
يرعى التجول وانت مستمتع بأكل الجاتوة امامها
متنساش رأيك فى طبيخها لو عاملة لحمة قول لها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى
دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى !!

لو مراتك طلبت منك انك تساعدها فى نشر الهدوم على الحبل بعد الغسيل وقع كل هدومها فى الشارع بحجة انك مش بتعرف تشر ومتناسش توقع معاهم فردة شراب من بتوعك علشان متبقاش باينة قوى

او لما تقعد معاها حاول كل شوية تديها امل عن المساواة وازاى ان الراجل بيساعد مراته هاتقولك ووشها كله مبتسم من الودن للودن ازاى ياحبيبى
قول ليها ان الحياة كلها تعاو بين الراجل والست يعن الست تطبخ والراجل ياكل الست تكنس والراجل يزروط الست تمسح والراجل يرفع رجلية من على الارض علشان تمسح مكانه

كده يعنى
وكمان خد عندك دى

لما ترجع البيت من الشغل وانت راجع المفروض قرفان ارجع ماسك وردة وحاول تبقى هيمان قوى وانت بتكمها وياريت لو غلطت في اسمها وقلت اى اسم تان

اكيد بعد كل دا هتخلعك انا لو مكانها هخلع

اكيد انت مفترى يا عمر
علشان كدة محكمة الاسرة فى ازدحام شديد
سبحان الله
عرفت السر

ههههههههههههههههههههههههههههههههه

أنــــــــا غــلـبــــــــــــــــــــــــــــــــــــان

من طرف **nice dream** الثلاثاء 08 فبراير 2011, 1:44 pm

غلباااان خااالص ياعمر
ربنا ع الظالم والمفتري
كولو هيطلع عليكم باذن الله

الحمد لله انا مش ظالم ولا مفترى

أنا ما عليا إلا الارشاد و التوجيه و النصح

بالخراب أو العمار

من طرف **nice dream** الثلاثاء 08 فبراير 2011, 1:50 pm

انا مش عليك انا ع الي هيعملو بالكلام ده ليه كدا دا احنا غلاااااابه

يا جماعة النصايح دى للى قرفان من مراته بس

أو

مخنوق منها و مش طايقها

طيب هدي النفوس مش تولعها

ماهو انت طول عمرك حمامة سلام ياعمر

طرق العكننة الزوجية ( إزاى تعكنن على مراتك )

طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )

رد: طرق العكننة الزوجية ( إزاى تعكنن على مراتك )