جمهورية البرستو

من طرف **عماد الدين** الإثنين 24 يناير 2011, 1:31 pm

[ندعوك للتسجيل في المنتدى أو التعريف بنفسك لمعاينة هذا الرابط]

واحد محبوس فى حلة برستو , كل مايقولها جاى , الحلة تقوله فسسسسسس !!

عمرك سمعت , عن جمهورية البرستو , أكيد عمرك , رغم أنها موجودة , وقريبة من حضرتك , ومش بعيد تكون حضرتك , إحدى المواطنين , حاملى جواز سفر , جمهورية البرستو , وساكنى حللها المضغوطة, ذات الصفافير وصمامات الأمان , التى تنطلق بصفارت الأنذار , وتفتح أوتوماتيكياً , إذا إرتفع الضغط داخلها , فالضغط دائماً , يأتى من الداخل , خصوصاً أن التسخين , يكون خارجياَ ومن تحت , بس للحلل يا جميل !!

ومواطنى جمهورية البرستو , مواطنين مستويين عالآخر , على نار هادية , مولعة من يجيى 30 سنة , بس الشهادة لله , نار عاقلة قوى , لا عمرها زادت , وحرقت الحلة , ولا عمرها خسعت , وزيطت الطبخة , يعنى الطباخ واخد باله خالص , ولما بيسمع الصفارة , بيجرى على طول , ويهدى النار شوية !!

وتجد المواطنين داخل الحلة , عاملين زيطة كدة عالفاضى , رغم أنهم عارفين كويس , إن التسخين من بره , وإن كله هيستوى هيستوى , أو هيتهرى هيتهرى , يعنى مش ناقصة , يهروا وينكتوا فى بعض , لكن تقول إيه , عالم بتوع حلل صحيح !!

ساعات كدة تلاقى , مواطن قرن فلفل ملوش لازمة , وتلاقيه يقول كلام كدة , يشعوط بيه الدنيا , لكن مجتمع الحلة , طبيعته إنه بينسى الشعوطة , وتلاقيه يغلى كدة عالفاضى , خصوصاً لو طلع الفلفل بارد , ومنظر وبق عالفاضى !!

وكثيراً ما يلجأ الطباخ , لذلك النوع من الفلفل , لعمل طبخة معينة , وإلهاء جمهور الحلة بها , إذ ثبت أن إستخدام , أنواع الفلفل الأخرى , محفوف بالمخاطر , فهى أنواع حراقة وبنت لذينة , وقد لهلبت طباخين سابقين , لدرجة القتل , فيجب الإبتعاد عنها تماما!!

ولا يمنع الأمر من ترك المواطنين , يبقبقون ويشتكون ويصرخون , بفتح صمام أمان لهم , لتهريب ضغط الحلة , حتى لا تنفجر كحلل أخرى , مجاورة لم تتحمل , فأى حلة مهما كانت متينة , ومصنوعة من الإستانلس اليابانى , تنفجر فى لحظة ضعف , ولا البلالين الصينى !!

ورغم أن المرقة , قد قلت فى الحلة , بصورة ملحوظة , ولكن الطباخ يحرص دائماً , على التعويض بالماء , حتى لايفسد تصاعد البخار , ما تبقى فى الحلة من خضار, وحتى لا يكتشف أحد , إختفاء اللحم نهائياً , ويبدو أنه تم فصله , فى حلة أخرى , من النوع البايركس الفرنساوى , الذى يتحمل الحرارة العالية , ولكن يحب التعامل معه بحنية , ووضعه داخل فرن أمريكانى , لا على عين نار مباشرة , لبوتاجاز من المصانع الحربية !!

وهكذا تم تقسيم الحلة الواحدة , لحلتين منفصلتين , واحدة فيها الهبر , والبهريز كله , والتانية فيها خضار قرديحى , ومهما تغلى وتنكت فى نفسها , لازم فى الآخر هتفس , فسسسسسس , طول ما الطباخ واخد باله , والنار هادية !!

طبعاً نكتة المواطن , مش نكتة , والحلة مش حلة , والمقالة ---؟--- مش مقالة !!
واسترها علينا يا رب

من طرف **اشرف** الإثنين 24 يناير 2011, 2:03 pm

ربنا يستر ...... انا قلقان عليك اليومين دول يا عمده
طمنا عليك

من طرف **عماد الدين** الإثنين 24 يناير 2011, 2:08 pm

شكرا يا أخ أشرف على السؤال
احب اطمنك انى مازلت داخل الحلة وبصحة جيدة
سلامى للجميع عندك
جــــــــــــــــــــــــــــــاى

أخوك من داخل الحلة بيمسى عليك

و مستنينها تبوظ ولا يحصل فيها أى حاجة

و عجبتنى كلمة بـــق على الفاضى

لأن ده رأيى يا عمدة

مـقـــــال رائــــــــــــع

تسلم الأيـــــــادى

انا الجزرة اللي جوه الحلة وبقولكم خلاص احنا جاهزين على الاكل اكيد الطباخ جهز المعالق مساء الخير ياعمدة

من طرف **اشرف** الثلاثاء 25 يناير 2011, 12:38 am

انا خايف الاكلة دي تطلع اورديحي

لا متخفش دى استوت خلاص و قربت تترمى

من طرف **عماد الدين** الثلاثاء 25 يناير 2011, 9:55 am

مساء الخير يا سمكة
احنا اتفقنا ان اللحمة اتنشلت واتحطت فى حلة البايركس الفرنساوى
وباقي الخضار فى البرستو
واظنكم واياي مبسوطين قوى

خلينا في الخضار يمكن اللحمة تتطلع مسمومة ويموتو كلهم ونخلص منهم

جمهورية البرستو

جمهورية البرستو

رد: جمهورية البرستو

رد: جمهورية البرستو

رد: جمهورية البرستو

رد: جمهورية البرستو

رد: جمهورية البرستو

رد: جمهورية البرستو

رد: جمهورية البرستو

رد: جمهورية البرستو