عبد الحميد كشك رحمه الله

1. عبد الحميد كشك هو عالم وداعية إسلامي، ويعد من أشهر خطباء القرن العشرين في العالم العربي والإسلامي. له أكثر من 2000 خطبة مسجلة ..
اعتقل عام 1965م وظل بالمعتقل لمدة عامين ونصف ، تنقل خلالها بين معتقلات طره وأبو زعبل والقلعة والسجن الحربي ..
كما اعتقل عام 1981 م وكان هجوم السادات عليه في خطاب 5 سبتمبر 1981 م هجوماً مراً ، وقد لقي كشك خلال هذه الاعتقالات عذاباً رهيباً ترك آثاره على كل جسده ..
كانت خاتمة حياة كشك خاتمة حسنة ، فقد توضأ في بيته لصلاة الجمعة وكعادته ، كان يتنفل بركعات قبل الذهاب إلى المسجد ، فدخل الصلاة وصلى ركعة ، وفي الركعة الثانية ، سجد السجدة الأولى ورفع منها ثم سجد السجدة الثانية وفيها توفي ..

أذكر من طرائفه رحمه الله ..

كان يقول في إحدى خطبه ـ بالمعنى وبالمصري ـ :
(( كنا نبحث عن إمامٍ عادل آمْ طِلِعْلِنا عادل إمام))

وهو الذي قال رحمه الله :ـ
((شريفة فاضل إيه ؟ دا لا هيا شريفة و لا ابوها فاضل))

وما أحلى خطبه التي يتهكم فيها على أسماء الحكام العرب ..
((حسنى مبارك؟؟ حيس لا حسن ولا بركـــــه !! أنور السادات لا نور ولا سياده ؟؟))

يروى عن الشيخ - رحمه الله - أنه قال :
((دا هما بيؤولوا - يقولوا - دي مصر أم الدنيا ، والنبي صلى الله عليه وسلم بيؤول - يقول - دا الدنيا ملعون ملعون ما فيها ، يبأ مصر أم الملاعيين))

ويروى أيضاً عن الشيخ - رحمه الله - أنه قال :
((الظلم تسعة أعشاره عندنا في السجن ، وعشر يجوووووب العالم كله ، فإذا أتى الليل بات عندنا))

ويروى عن الشيخ أن مسجده مزحوم بقوة ذات جمعة ، فقال :
((إخوّنا المباحث في الصف الأول يتأدموا - يتقدموا - علشان إخونهم المصلين في الخارج))

ويروى عن الشيخ أيضاً :
((اللهم صلي على الصف الثاني ، والثالث ، والرابع" فقيل له "والصف الأول يا شيخ" فقال "دا كله مباحث يا اخوّنا))

ومن طرائف وكلمات الشيخ رحمه الله والتي سمعتها منه بأذني :

يقول الشيخ : ((في السجن جابوا لنا سوس مفول)) أي أن السوس أكثر من الفول !!!
يقول عن توفيق الحكيم عندما قال آدم عبيط : ((توفيق الحكيم حيث لاتوفيق ولا حكمة))
ثم يتنهد الشيخ ويقول متأسفا : ((هؤلاء هم أدباؤنا))
يقول عن رئيس إثيوبيا السابق منجستو هيلا: ((يحتوي اسمه على حروف النجاسة كاملة)) !!
يقول عن بو رقيبه : ((لا يجوز لقزم مثلك أن يمد إلى الشمس يدا شلاء ، ارجع فتعلم في الإبتدائي فليس عيبا أن تتعلم ولكن العيب أن تقول ما لاتعلم))
يقول عندما علم الناس بنقل أحد الخطباء لمسجد آخر ذهب الناس لذلك المسجد فأصبح المسجد فارغا ولا يوجد غير الجنود فقامت المخابرات بدفع جنيه لمن يصلي في هذا المسجد فتجمع كثير من النصارى وغير المصلين ..... ((خد بالك ده جنيه))
قال عن صدام حسين قبل غزو الكويت : ((أول ساندويتش حياكلها صدام الكويت))
يقول عن بابا النصارى : ((آه ياني يللي مالناش بابا))
من أقواله - رحمه الله - التي تستحق أن تكتب بماء الذهب قوله :
((الدنيا إذا ما حلت أوحلت
وإذا ما كست أوكست
وإذا أينعت نعت))

وكان يقول : ((لكل ملك علامات فلما علا (مات)))

وقال عن ام كلثوم :
((امرأة في السبعين من عمرها تقول:خدني لحنانك خدني))
فاستطرد الشيخ: ((ياشيخه خدك ربنا))

وقال عن عبد الحليم حافظ :
((وهذا العندليب الأسود عندنا ظهرت له معجزتين
الأولى يمسك الهوى بأيديه
و التانية يتنفس تحت الماء))

ومره من المرات قبض عليه، فضابط جديد يحقق معاه
فقال: ما أسمك
قال: عبد الحميد كشك (والمفترض أن الشيخ مشهور عند المباحث)
قال: ما عملك
فقال الشيخ: مساعد طيار (و معلوم أن الشيخ كان ضريرا)

رحم الله ذلك الأسد
الذي عرض عليه الخروج من مصر فقال: ((هذا التولي يوم الزحف))

ولا أظن جاء بعده من اجتمع الناس على حبه أو كان له مثل هيبته وبلاغته وفصاحته رحمه الله
هذا ما استطعت جمعه عن طرائف الشيخ عبد الحميد كشك من أشرطته وبعض ما كتب عنه في المنتديات الإسلامية ..

الله يرحمك يا شيخ كشك

مكـــــــــــرررررررررررر يا عمر

بعنوان اضحك مع الشيخ عبد الحميد كشك

فى النكت والفوزير من مواضيع عماد ا

لدين

[ندعوك للتسجيل في المنتدى أو التعريف بنفسك لمعاينة هذا الرابط]
العنوان السابق هو العنوان الذى أشارت إليه عطر الياسمين بأن الموضوع مكرر

و المكرر بين الموضوعين هو العبارات الساخرة فقط

لكم الحكم

الحكم فى ايه

خلاص احذف التشابه اللى فى العبارات

زى موضوعى انت حذفت قبل كده التشابه الى كان معاه فة موضوع سابق

//////////////////////////

///

قبل كده عمر كتب فى موضوعى

اضحك مع المصريين

تم حذف نقطتين من الموضوع لتكرارهما فى موضوع سابق

ولــكم الحك

م

/////////////////////

ايه يا عمر انت بتعيد صياغة موضوعى
ولك انت الحكم
انا متنازل ليك احزف موضوعى

أعتبر دى تريقة ولا إيه

طيب فى موضوعك يا أستاذ عماد من هو الشيخ عبد الحميد كشك؟؟؟؟؟؟

الموضوعين مش هيتحذفوا

لأنهم مختلفين

اانا مقولتش تحذف الموضوع

انا قالت تحذف التشابه اللى فى الموضوع

يعنى اللى يسير علينا يسير عليك ولا ايه

/////////////////////////////////////////////////////

////

وجهة نظر برضه

بس أحب ألفت انتباهك فى موضوعك اللى أنا حذفت فيه النقطتين

أولا: الموضوع اللى متشابه فيه النقطتين كان نازل قبله بيوم تقريبا و رغم كده إنتى نزلتى موضوعك

ثانيا: حذف النقطتين لم يأُثروا على موضوعك في حين حذف التشابه أو نقط التشابه فى هذا الموضوع هيؤثر عليه

ثالثا: مش كل موضوع فيه تشابه بيتحذف لأن هناك كثير من الموضوعات فيها تشابه و لكن عند حذف هذا التشابه يؤثر على الموضوع من حيث المضمون و القالب و الشكل

رابعا: أرجو من الجميع تفهم وجهة النظر

خامسا: أنا عايز أعرف ليه بتزعلوا لما بنقل موضوع مكرر للمهملات أو أحذف مشاركة بشوفها غير لائقة

و ما بتخدوش بالكم إنى بعدل من مساهماتكم و موضوعاتكم و بخليها تظهر بشكل لائق

أقصد اللى أنا بعمله ده فى خدمة المنتدى مش بقصد إنى أقلل من موضوع أو مساهمة أى حد

يعنى زى ما بحذف برضه بعدل موضوعاتكم و مساهماتكم

و مش بنتظر شكر فبلاش الهجوم

و أنا أدرى بشغل الإدارة عنكم مش علشان أحسن

بس علشان عندى إيه الأسباب اللى تخلى المنتدى يتحذف أو تحصل شكوى من حد ضد المنتدى
فيتقفل

كل دى حاجات فى لوحة الإدارة

و أنا أعرفها و محدش فيكم يعرفها

فرجاء مش عايز تعليقات على اللى بعملوه إلا لو غلطت

اولا انا عمرى مزعلت من اى موضوع ليه اتحذف

وكان ممكن انك تنزل موضوع المقدمه عن الشيخ وتكتب تحت الموضوع

لمشاهده الموقف الطريفه اضغط على العنون ده

وتكتب موضوع عماد التانى زى ما بتعمل كتير

فى الموضيع لانك عارف شغل االاداره ولوحه التحكم

ومين قلل من مجهوادتك فى المنتدا كلنا بنعترف بالا انت بتعمله

بس انت دلوقتى مبتقبلش الكلام مننا وكان ممكن تحذف التشابه وتتقبل الكلام وتعدل الموضوع

وتضيف تحت المقد مه مثلا

من على اليو توب اين النجاه مثلا تنزل لينا حاجه فيديو

وانت بتعرف تعمل وعملتها قبل كده وكلنا شكرناك فى موضيع سابقه

صح ولا برضه مش ممقتنع بكلامى
///////////////////////////////////////////

///

أنا مش كل موضوع فيه نقاط متشابهة هجيب الموضوع المشابه

من الأسهل و الأفضل أن ينزل الموضوع بالمتشابه

و هتسألونى ليه

أولا علشان اللى يقرأ الموضوع ما يتهوش ميفضلش يتحول من الموضوع إلى نقاط التشابه و بعد كده يرجع تانى لتكملة الموضوع

ثانيا: أنا بجيب الموضوع المكرر بس مش المتشابه

ثالثا: بخصوص فيديوهات اليوتيوب لو كنت لقيتها كنت نزلتها بس أنا ملقتش الطرائف دى على فيديو فى اليوتيوب

و أنا لو مش بتقبل كلامكم أو أخد رأيكم زى ما أنتى بتقولى

كان من الممكن ما أردش على حد خالص و قولت من الأول الموضوع مش هيتحذف و غير قابل للنقاش

لكن انا باخد رأيكم فى كل كبيرة و صغيرة

و ده ما بيحصلش فى منتديات تانى

و راجعوا قوانين المنتدى عند بداية التسجيل

بند بند

و قارنوا بينها و بين اللى بيحصل فى المنتدى

هتلاقوا حاجات كتير أنتم ضغطوا عليها بالموافقة عند تسجيلكم

الحاجات دى انا مش بعى ليها أى اهتمام

لأننا واحد

مفيش فرق بين مدير و غفير

سورى فى اللفظ

بس التدخل زاد أكتر من اللازم فى الفترة الأخيرة

و بصراحة حيرتونى أعمل إيه

ألتزم بقوانين المنتدى و نمشيها ميرى

ولا نمشى زى ما أحنا كده

لاحظوا الفترة الأخيرة إيه حاصل كده منكم و الاعتراضات

بصراحة لا تعليق

ردى عليك انا قد الحوار

بس لو حابب تمشيها ميرى مشيها ميرى واحنا فى المنتدا اخوات بنسمع اراء بعض

بس لو هنلتزم بالقوانين بلاش احنا الحمد لله لم نخرج عن نطاق الصح فى اى حاجه ولما بنعتبك ولا بنتدخل فى اموار الاداره علشان بنحس اننا

اخوات كله بيستفيد من كله مش شرط مين المدير ومين الغفير بس علشان منتدا يظل الافضل

وانت قالت قبل كده المنتدا لا يقف على حد معين

/////////////////////////////////////////////////

///

أنا مش معترض على الدخول فى شئون الادارة

اللى معترض عليه كثرة الاعتراض و ده اعتراض مش عتاب

لأن فيه فرق شاسع بين الكلمتين

و بعد كده أنا عارف بعمل إيه كويس

يعنى مش معقول يكون موضوع انا قريته و رديت عليه قبل كده و أنزله

طيب إعقلوها إنتم

من طرف **شريف محمد** الخميس 30 ديسمبر 2010, 10:01 pm

الاعضاء بيختلفو فى حاجات مش عارف فى ايه
ياعمر كنت خلصت الموضوع فى حاجه بسيطه وهى طلاما الموضوع عن الشيخ عبد الحميد كشك
كنت دخلت موضوعك ورا عماد وغيرت تغير بسيط وهو موسوعه عن الموضوع نفسه للشيخ عبد الحميد كشك
وياعم نزلو انتم الاثني عن الشيخ كشك زى منتا كاتب ان هو له 2000 خطبه ده راي
ولكم الحريه فى الارا
وبعدين كل واحد حر فى الموضوع اللى بينزله طلما فى مراقبه للموضيع بس محدش من داخل المنتدا باخد اى موضوع لعضو اخر من داخل المنتدا وينذله
بزيادت سطرين فى الموضوع نفسه اللى اذا كان يزيد عن الموضوع الاس

اسى

الموضوع انتهى يا شريف و الموضوعين موجودين

و مش عند و لا حاجة
لأنى مش باخد مواضيع حد و ازود سطرين عليها

و لو انا عملت كده كنت حذفنه على الفور

لكن موضوعاتى كلها تشهد بكده

إنى بجيب الجديد على الدوام

من طرف **شريف محمد** الجمعة 31 ديسمبر 2010, 2:53 am

لا تــــعــــــلـــــيـــــــق مــــنــــــى عـــــلــــــى كـــــــلامــــــــــك
مــــــــــــــش عـــــــــــنـــــــــــد

الموضوع اتقفل يا اخوانا

و محدش يتكلم فيه تانى

تــــــــم قــفـــل الــمــــــــوضـــــوع

عبد الحميد كشك رحمه الله

عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله

رد: عبد الحميد كشك رحمه الله