الف ليله وليله

احساسي



وش همني لو تكون اليوم ناسيني
بكره تذكر غرامي وترجع تجينـي
عندي وثايق تقول ان انت هاويني
احساسي بكبر حبك يعرفه احساسي



احساسي صادق وهو دايم يكلمني
يقول: عاشق عيونك عنك علمنـي
ويطول بعدك وهجرانـك يآلمنـي
وفجأه ألعن هواك والّعن احساسي



احساسي واهم بحبك من كثر حبي
يحق لي اكتئب واحتـاس ياربـي
ياربي صعبه الحقيقه وانكسر قلبي
مابين كذبه علي وكذب احساسـي

زمن الاشواق

ثلاثه فصول مـرّت بالثوانـي
وباقي من زمن اشواقي ساعه


اخذك الوقت ونسيت الأمانـي
وانا اشواقي مع اجحافك ضياعه


اذا باكر رحل يرحـل حنانـي
وبتأكّـد اذا حبّـك اشـاعـه


يمر الوقت ونا بعدى بمكانـي
وحزني اسدل بروحي شراعه


يذكّرني بجفـاه وشـي ثانـي
سواليفه فـي ايـام القطاعـه


يحرضني اصـدّه لـو بغانـي
ولو جاني ابادر فـي وداعـه


لاتستغرب اذا قلبي عصانـي
رفض وصلك وفضّل التياعـه


زهدت وما بي أي شي من اناني
رغم شوقي تعلمـت القناعـه


قدرت انسى حبيبي اللي نساني
ولاباقي بزمن اشواقي ساعـه
********************************************************

عمر الفرح
اذا عمر الفـرح بالحـب ليلـة
ياقل الفرح في عمر المحبيـن


في لحظه جا وميّل صوبي ميله
في لحظه غاب عن دنياك ياعين



وساهرت الصبر قاومت ويلـه
وخاويته علي الله ربي يعييـن


غرامك ساكن بروحـي اشيلـه
حبيبي ومااظن اقدر على البين

صعيبه فرقتـك ماهـي قليلـه
صويبه في حشايا نصل سكيـن


ومـت بهـم لايمكـن تخيلـه
قبل مايمر علي فرقاك يوميـن


وكيف انسى سجاياك الجميلـه
وكيف انسى نسايم من رياحين


وكيف انسى عيونك هالكحيلـه
وشفايف كنهـا ورد البساتيـن


وكيف اسهر بدونك نص ليلـه
ليالي العمر من غيرك مساكين



الا يالله انـا بوجهـك دخيلـه
الا يالله تجمـع بيـن الاثنيـن

السموحه




اطمئـن مابـه مـجـال
لاتفكـر فـي المـحـال


انتهـى عمـر العـذاب
فـي متاهـات الخيـال


اطمئـن مابه جـديـد
انتهـي فينـي الطمـوح


مابقي في القلب نبـض
مابقي في الـروح روح


مابقـي غيـر الجـسـد
ساكن بحمـى الجـروح



كل يـوم يمـر اقـول :
باكـر جروحـي تطيـب


مـيـر زادت علـتـي
ومايداويهـا الطبـيـب


والوجـع ويـا الأسـى
سبّـة المـوت القريـب



يامتـاهـات الظـنـون
ماتخيلتـي المنـون ؟!!


مابقى في العمـر شـي
غيـر لحظـه ماتهـون



لاتصـور باقـي شــي
مابقـى غيـر الرحيـل


التفـت صوبـي شـوي
ناظـر الحـال العلـيـل


ما احـس تفهـم علـي
تعتقـد حزنـي قلـيـل



انقطـع فينـي الشعـور
ناحت لعمـرى الطيـور


حسـت قـدوم الخطـر
شوفهـا فوقـي تـدور


وانت عاجز لاتشوف !!!!
فيك ريبه وفيك خـوف


ياحسـافـه مـلـتـوي
ماتشوف اللي تشوف



ياحيـاتـي وياهـنـاي
كنت ابي نفـرح سـوى


كنت ابي القـى الحنـان
والقـى بااحضانـك دوى


لكـن الله اللـي قـسـم
وانتهـى عمـر الهـوى



المهـم ابقـى بخـيـر
واحتسب هـذا المصيـر


باكـر ارحــل لـلأبـد
اذكـر اليـوم الأخـيـر



لـو لفـا بيـوم الخبـر
احـذر بكونـك تضيـق


واحتسب هـذا المصـاب
لاصـراخ ولاشهـيـق



لاصـراخ ولا نحـيـب
باكـر جروحـك تطيـب


ابتسـم بسمـة رضـى
والسموحـه ياحبـيـب

صح يا عمر بادينا نخليها الف ليله وليله


ماسألتك



ماسألتك ويـن أو راجـع منيـن
وماانتظر منـك سـؤال ولاجـواب


افتكـر انـي سألـت بكلمتـيـن
عن معاني بدرس غامض بالحساب


قاعد تجاوب غلط واعرفـك زيـن
ارتباكك يفضح اللي عنـي غـاب


هل انا جيتك سألتك كنـت ويـن؟
هل تصور ان انا الحـق سـراب ؟


ماتجي هذي السوالف من رزيـن
وانت عارف اني ماداني العتـاب


لو اشوف انك تغازل شوف عيـن
انسحب بهـدوء لحـدود الغيـاب


لاتصـوّر ان قليبـي لـك رهيـن
هل تلاقي فص ملح فبحـر ذاب؟!


وانت عارف قلبي بحسّـه فطيـن
قال لي : ياعاشقة شيخ الشبـاب


قاعد يغـازل ظبـا وادي حنيـن
شدّي رحالك أزف وقت الحسـاب


لاكــلام ولامــلام ولاانـيـن
لادمـوع ولاعتـاب ولاعــذاب


والصراحه ماأبـي تقعـد حزيـن
قوم وافتح للظبـا مليـون بـاب


صاحبك روح علي متـن اليقيـن
طاير بروحه علي هـام السحـاب


كنت احس انك هواوي من سنيـن
مايفاجئني أبـد طيـش الشبـاب

اهـــــــــــداء


صبــــــاح الخير
ياوجه الخير
صباحك غير
صباحك دنيا ورديه
شذاها عطور واريج زهور
ونسمه خير عطريه
حضورك غير
مثل غيمه مثل رشة مطر حلوه صباحيه وربيعيه تداعب خد جوريه
مثل شمس الوفا تسطع
تدفينا ويدفا بردنا فينا بلمسة حب عفويه وسحريه
صبـــــــــــاح الخير

انجليزى ده يا مرسى
بس بنتى هترجم لى علشان هى لغات