ابليس طفش وساب مصر

ابليس طفش وساب مصر


على باب سفارة كندا

لمحت ابليس و ف ايده استماره
بقول له على فين

قاللي بص ..يا هجره يا اعاره
يا عم زهقت كفرت

الاقيش معاك سيجاره

انا انتهيت خلاص

لا نافع وسواس ولا خناس

ولا ليا عيش وسط الناس

دي عالم مجرمين

عندكوا فائض ف الفساد
في كل البلاد

ومش محتاجين شياطين

مليش عيش ف البلد دي

بقالي سنين عاطل

و انتوا بتعرفوا

تقلبوا الحق باطل

و تسلكوا القاتل

و تمشوا ف جنازة المقتول

ومفيش مشاكل

يا عم ده انا بقيت أوسوس بالمقلوب

و أقول للحرامي كفايه بقى توب

..انت هاتعمل كل الذنوب لوحدك
و أنا ابليس

أشتغل واعظ ولا كمساري ف اتوبيس

يا عم ده انا زمان

..كنت استنى حد ينسى يسمي

..وهو بياكل لقمته

..دلوقتي كل اكلكم ملوث

..و بصراحه .....الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجه اتسرقت

..وكده الاجيال الجديده

..م الحراميه اتظلمت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه

و برضه مفيش فايده



اعوذ بالله من الشيطان الرجيم
أشهد أن لا إله إلا الله و أشهد أن محمدا رسول الله

ههههههههههههههلازم يطفش اصلنا حرقنا قلبه بلاكل الملوث

له حق يطفش هى مصر بقا فيها حاجه صح

هو ابليس ده يهودى يا درش ولا ايه ههههههههههههههههههههههههههه

انت ادرى هو لو كان يهودى مكنش قعد فى يوتوبيا

قصدك اية ياشريف وبلاش تهديد انت عارف ممكن اعمل اية فى المنتدى دة خليه شغال وخلاص

الله الله الله
فى تأامر على قفل المنتدى
اذا هى الحرب
ماشى يا عم طائر ورينا هتقفله ازاى و انا انشك بسهم ينزلك الارض علطول
اوعى تكون بتزعل؟؟؟؟

هههههههههههههههههههههههههههههههههههه
ماشى يـا ابو يــارا
وخــلــى بــالـك و إنت بتنشن على ..... فـــــــــؤاده

يعنى 66 مشاهدة و11 رد فين المشاركة الفاعله

خيرها فى غيرها ان شاء الله عذرا لعدم التواجد المستمر للانشغال فقط