قــولــى هــتـعـمــل إيـــه؟؟؟؟

قولى هتعمل ايه
***
هتعمل ايه لو نمت يوم وصحيت
بصيت لنفسك فى المراية لقيت
مكتوب على جبينك كلمة ياريت
وحزن قد الدنيا مالى عنيك
ولو فرحت فى يوم تبقى انت اتماديت ..
أتارى الاه يا صاحبى طريق مكتوب عليك
اتارى الجرح شريط اسود دايما مغمى عنيك
واتارى الفرح يا صاحب عمرى سراب
عمره ما جه فى يوم يلمس ايديك ضاعت ملامحك فى المراية وشفت ملامح تانيه
هيه مش ملامحك لكن انسان جديد عليك
شفت جرح بيبكى دم
شفت عين بتشكى هم
شفت قلب بينزف وأيد بتبعد عن ايديك
هتعمل ايه لو شفت ميت عايش جوة منك
اتاريك مش بتضحك من قلبك .. اتاريك بتضحك عليك

هتعمل ايه لو فى وسط الزحمه اتنسيت
هتعمل ايه لو بين حبايبك بالغربه حسيت
وشفت اقرب ما ليك سابك تموت
هتعمل ايه لو عن راحتك فى يوم
علشان غيرك اتخليت ورضيت
هتعمل ايه لو بجرحك
رسمت على شفايفه بسمه
وفي عنيه دبت وبيه حلمت واتمنيت
وفى يوم صحيت لقيته سابك تموت
وقالك اعذرنى يا حبيبى
انا عمرى ما هبقى ليك

هتعمل ايه لو وسط كل الناس ضحكت
وفرحت وجريت وقدامهم فرحت وغنيت
وجه عليك الليل لوحدك سكت حزنت وبكيت
هتعمل ايه لو بين عمرك وقلبك
جه عليك يوم بين الاتنين خيروك
ولقيت نفسك بتضحك ودموع دم
نازلة بتشرخ فى خدك وبتقتل عنيك

قولى هتعمل ايه
لو لوحدك فى الدنيا مشيت

مـــنــقــــــــــول