طــرق الـزواج فـى مــصــر مــن أيــام الـفـراعـنـــة

من طرف **المدير العام** السبت 09 أكتوبر 2010, 3:03 pm

طــرق الـزواج الـمـصـريـة مـن أيــام الـفــراعــنـــة

مصر الفرعونية

ابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية.. مبروك يا تاح
............ ...... ....... .

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
......... .......

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح
.........

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. حاضر يابا
......... ........

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز .. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
......... .........

مصر فى عصر الانفتاح

اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........

مصر 2007--------->2010

البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك
وبعدين الكلام فى المهر والعفش والقايمه
والفرح ده موضه قديمه
حاجات بلدى ياى
انا اتفقت معاه على كل حاجه
والفرح فى كافيه ماريانو فى المعادى على الضيق كده مع الفرندز
وانا جيت اعزمك انت ومامى

من طرف **سمكة القصير** السبت 09 أكتوبر 2010, 6:37 pm

هههههههههههههههههههههههههههههههه
هههههههههههههههههههههههههههههههه
وانت رايك انه جوازه عجباك في دول
انا بصراحه عجباني جوازة الفراعنة

من طرف **المدير العام** السبت 09 أكتوبر 2010, 6:43 pm

بصراحة جوازة الرومان أحلى جوازة

من طرف **حنينى انا** السبت 09 أكتوبر 2010, 6:51 pm

كلها رومانسية جوازة الرومان

من طرف **المدير العام** السبت 09 أكتوبر 2010, 7:14 pm

جوازة الرومانيين رومانسية و بساطة

طــرق الـزواج فـى مــصــر مــن أيــام الـفـراعـنـــة

طــرق الـزواج فـى مــصــر مــن أيــام الـفـراعـنـــة

رد: طــرق الـزواج فـى مــصــر مــن أيــام الـفـراعـنـــة

رد: طــرق الـزواج فـى مــصــر مــن أيــام الـفـراعـنـــة

رد: طــرق الـزواج فـى مــصــر مــن أيــام الـفـراعـنـــة

رد: طــرق الـزواج فـى مــصــر مــن أيــام الـفـراعـنـــة