مـــن الــعــجــائــب الــمــصــريـــة

مـــــن العجــائـــب الـمـصــريــة

فى الجواز والخطوبة وخلافه !!
لما تروح تتقدّم وتطلب ايد واحدة !
** شوف يا ابنى !..احنا بنشترى رجالة = معناها ان انت حتشيل الطين وهتدفع دمّ قلبك !
** احنا آخر حاجة نفكّر فيها فلوس = يبقى ربنا يرحمك ويحسن اليك من اللى حاتشوفه !
** انا هنا صاحب الكلمة الاولى والاخيرة ! = لو قالها حماك فى اول قعدة ..معناها غالبا انّه هفأ والكلمة لحماتك المصونة !!
** شوف يا ابنى الشبكة دى هدية العريس لعروسته = بيحرجوك بالذوق يعنى ..عشان ما تبقاش بخيل ونتن !!
** القايمة دى بنعملها عشان نحفظ حق بنتنا مش اكتر ..وربنا ما يجيبش حاجة وحشة !! = احنا بنعملها عشان لما تحب تطلّق ..تطلع على البلاط يا نجم !!
** احنا نعمل فرح ع الضيّق كده = ابقى قابلنى !
** انت خايف تكتب مؤخر الصداق دة ليه ؟!..هو انت ناوى على شر لا سمح الله؟! = كده احراج رسمى يا نجم ..معناه توافق وما تقولش بمّ !!
** شوفى ! أنا مش هكدب عليكى ..انا عشت قصص حب كتير جدا زمان ..لكن بجد ..انتى اكبر واهم قصة حب فى حياتى = غالبا شاب عبيط فاكر نفسه دونجوان ..وفاكر ان اللى قدّامه حاتصدّقه !!
** ابن خالتى رجع من الامارات وكلّم ماما وطلب ايدى ! رغم انه عارف انى مخطوبة ..وماما بتضغط عليّا ..مش عارفه اعمل ايه = يعنى خلى عندك دم يا شحّات واخلع انت عشان ما تحسسهاش بالذنب ..الفلوس حلوة برضو ..افهم بقى !
** مش عارفه !..انا حاسه اننا مش متفاهمين = ابشر ..نهاية الخطوبة قرّبت !
** انا بقول نبقى اخوات احسن = كلمة النهاية الخايبة فى كل علاقة انتهت بالفشل الاسود !!
فى المقابلات الشخصية فى اماكن العمل

** اخبار اللغة معاك ايه؟! = غالبا الشغل مالوش اى علاقة بالانجليزى خالص !!
** ونت عاوز تسيب مكان شغلك ليه ؟! = لو قلت عشان الفلوس ..حابقى مادى وامبريالى منبعق وبورجوازى متسلّق ! ..ولو قلت عشان اثبت ذاتى واحقق طموحاتى ..حيخافوا منّك ويقولوا طموحه ممكن يخليه يبيعنا كقادة عِظام وياخد مكاننا !..ولو قلت ظروف الشغل صعبة جدا ومواعيد العمل غير عادية ..شغل زنوج يعنى ..حاتبقى واد فرفور ومش نافع ومش هيفى ديوتى ( heavy duty ! ) ..حلوة ؟!
** ونت من طرف مين بقى ؟! = واسطتك مين يعنى ! ..حد جامد عشان نحترمك ونعمل لك حساب ..ولّا حد ما يتخافش منّه .نقوم ندوس عليك بالجزمة من غير ما نخاف ؟!!
** تتوقع تاخد كام مرتب ؟! = لو قلت مبلغ جامد ..تبان عبيط وعايش فى الدور ..!!لو قلت مبلغ عادى ..شحّات ومالوش لازمة !!
** انت متجوز ؟!= دا بقى سؤال الهدف منّه يشوفوا انت زنجى قاطع عندك استعداد تروّح بيتكم بسبب الشغل فى انصاص الليالى ..ولا عندك زوجة واولاد تقوم تتنمرد على مواعيد الزنوج دى ؟!!
** لو واحد من زمايلك عمل حاجة غلط ..سرق مثلا !..هتعمل ايه ؟! = لو قلت هنصحه وربنا امر بالستر واخلّيه يرد اللى سرقه من غير فضايح ..تبقى عامل فيها عم الشيخ وبتدارى على مجرم فاسق !!…ولو قلت ابلّغ الادراة فورا ..تبقى خبّاص درجة اولى وتبيع اىّ حد عشان الادارة ترضى عنّك ..وهو المطلوب اثباته !!
** نفرض احتجنالك تساعد فى عمل يدوى ..لظرف طارىء ..تنقل كراتين مثلا ؟!..توافق ؟! = اوافق ..عشان دة ظرف طارىء ..والناس لبعضيها !..اجابة مثالية .
لا أوافق بأى حال ..يبقى مع السلامة يا قنعور !!

من طرف **شريف محمد** الثلاثاء 07 سبتمبر 2010, 5:15 pm

هوا دة بردة عامل زى زواج المساطب
ولا زواج الجمعة البخلة اوى

من طرف **سمكة القصير** الجمعة 10 سبتمبر 2010, 3:20 am

هذا هو حالنا ماذا نفعل؟

من طرف **شريف محمد** الجمعة 10 سبتمبر 2010, 8:35 am

ي

لة نمشى ذى مكانو مشين اجدادنا من قبل وخلاص احسن لينة وفى الاول والاخر
هى طريقة وحدة نتبعها وهى سنت الله ورسوله

ونعم بالله
والله الزواج ده نصيب و قدر
وعامل زى البطيخة
يا تطلع قرعة يا تطلع قرعة برضه

مـــن الــعــجــائــب الــمــصــريـــة

مـــن الــعــجــائــب الــمــصــريـــة

رد: مـــن الــعــجــائــب الــمــصــريـــة

رد: مـــن الــعــجــائــب الــمــصــريـــة

رد: مـــن الــعــجــائــب الــمــصــريـــة

رد: مـــن الــعــجــائــب الــمــصــريـــة