حوار مع الامريكانى

من طرف **عماد الدين** الأحد 25 يوليو 2010, 7:35 pm

فالاول احب ارحب بحضرتك..اهلا و سهلا بيك..
* امممممممم.. يييه يييه.. اهلا.
( بدايه مش لذيذه..معوج على ايه من اولها..بس ماشى نستحمل )
- فى الاول احب اتعرف بيك, و تعرف الناس بيك..
* ايه ده.. انت متعرفنيش..؟!!!
( ايه المجنون ده.. اعرفه منين..يكونش فاكر نفسه فان دام )
- لا و الله..ماتأخذنيش..مش واخد بالى
* انا الامريكانى الجامد.. الامريكانى الفظيع..ازاى متعرفنيش.. ؟!!!
( ده باين عليه عبيط...ربنا يتوب علينا من البلاوى اللى بنقابلها دى )
- اه طبعا يا برنس..معلش العتب ع النظر.. الامريكانى الفظيع..نار على علم يا باشا..
*ايوه كده..شغل مخك شويه..بلاش الغباء ده..
( ماشى يابن......يابن الذكيه..ربنا يصبرنى عليك )
- و بتعمل ايه بقى هنا يا عم الفظيع..قصدى يعنى جاى بلدنا ليه ؟
*و انتا مالك انتا..!
( انا مالى.., امال مال مين يا..., استغفر الله العظيم , بلاش الطيب احسن )
- انا بس بسال, يعنى بندردش شويه مع بعض..
* همممممم...بلدكوا عجبانى..قررت أجى هنا شويه..عندك مانع..؟
- لا ولا مانع ولا حاجه, بس عاوز افهم.. عجباك يعنى ايه؟
* يعنى عجبانى..غريبه دى؟
- لا غريبه ولا حاجه.. ناس كتير غيرك برده بتعجبهم..الاهرامات و ابو الهول و النيل و الاثار و....الخ
* لا لا.. انا مش مهم عندى الحاجات دى ..
- امال عجباك يعنى ايه..؟!
* انت بتسال كتير اوى..و رغاى اوى..
- معلش يا عم استحملنى.. بندردش..
* اوففف..طيب شوف حاجه تانيه ندردش فيها..
- ماله بس السؤال ده .. مش عاجبك ليه ؟!
* مش شغلك.. انا ارد ع اللى انا عاوزه..
( ماشى يا عم الجامد )
- اوكى.. براحتك..نغير السؤال.. انتا جيت فى جمل.
* لا جيت فى طياره.. ههههههههه
( يخرب بيت السخافه.. دمك يلطش )
- ههه..ممما علينا..قولى ناوى تقعد هنا قد ايه ؟
* هممممم, يعنى حسب الظروف..على العموم كل ما قعدت اكتر, اكيد ده ف مصلحتك.
- لا معلش بقى مش فاهم..ف مصلحتى ازاى يعنى.. ؟!
* يعنى هتتقدم شويه و تتطور..هحررك..
- ازاى..؟!!!
* انا وجودى فى اى بلد بيزودها..و بيخليها تتحرر اكتر و تتطور, بدل التخلف و الجهل اللى بتكون فيه..
انا عاوز اخليكم زينا..
- ياسلاااااام.. احب فيك قلبك الطيب, و احساسك المرهف بالناس..
* همممم..انا كده..طول عمرى خيرى على الناس..
( طول عمرك ايه يا اكدب خلق الله..انتا اصلا عمرك كله كم سنه )
- لا ما هو باين اكيد طبعا..بس يعنى فى سؤال كده محشور ف زورى, ولامؤاخذه..ممكن اساله ؟
* اوففف..اسأل..
- مشوفناش يعنى التطور و التقدم و الحريه اللى انتا بتتكلم عليهم, لما رحت العراق و قبلها افغانستان..لعل المانع خير..
* ازاى..؟! انتا مشفتش اول ما دخلت عملت ايه و طورتهم ازاى..مشفتش التمثال بتاع صدام و هو بيقع..؟!
- طبعا طبعا..شوفته..امال ايه.. حاجه ايه, عظمه..و شوفتك كمان لما كنت بتدور ع النووى فى البيوت..لما كنت بتخرج الستات
من البيوت رافين ايديهم, و تقعد تدور ع النووى ف عشش الفراخ..فاكر انا..
* طيب اديك فاكر اهه..امال ازاى بتقول محررتهمش..؟!
- لا عندك حق برده.. الا صحيح مقلتليش..لقيت النووى ولا لسه؟
* هممم لا و الله لسه..بس جاتلنا معلومات انهم فككوه و حشو بيه البلح و عملوا البلح عجوه..و حملوه على حمار و ادولوا خريطه
العالم العربى ..و من ساعتها الحمار عمال يلف فى الدول كلها..بس اطمنك..احنا متتبعين حركات كل الحمير و هنوصله..
- عجوه..؟!!!!
- تصدق صح ..انا كلت مره قرص عجوه بعد موضوع النووى ده..لقتنى بنور بعدها.
* يبقى الحمار وصل عندكم..قولى بسرعه..جيبت العجوه دى منين..؟
( اه يابن.... , يابن الامريكانيه..هتتلكك, مصدقت و عاوز تشبط فى اى حاجه )
- يا عم ده موضوع قديم..مش فاكر.. و بعدين العجوه زمنها اتهضمت من زمان.
* لازم تيجى معايا علشان اكشف عليك واعرف اصل العجوه دى منين..
( تكشف عليا..! آآآه ..انا مش مستريحلك من الاول..عمال تبصلى كده ..شكلك هتطلع منهم ولا ايه..قال يكشف عليا قال..
باكل انا اصلى من الكلام ده...و حياه أبو غريب.. )
- اه و ماله يا برنس..ابقى اجيلك بكره بقى و نشوف الحكايه دى .
*ماشى..بكره.
- اسيبك انا بقى..و ع العموم لو وصلتنى اى معلومه عن العجوه او الحمار هكلمك على طول..
سلام يا عم الفظيع..

رائع فى سرد حقيقة الامريكان
مشكــــــــور يا عمدة

من طرف **عماد الدين** الإثنين 26 يوليو 2010, 3:56 pm

يارب نخلى بالنا من النووى
والحمير

هههههههههههههه
لا ما تقلقش الشعب المصرى واعى جدا

من طرف **عماد الدين** الثلاثاء 27 يوليو 2010, 7:17 pm

صباح الخير يا عمو الفظيع..ازيك النهارده..
* اوووه..انتا تانى..عاوز ايه..؟
- ايه بس يا عمو..مخنوق منى ليه بس؟!.. ده انا بصبح عليك..لا لا ملكش حق..
* عاوز ايه تانى؟ ندردش برده..؟!
- يا سيدى بنتسلى مع بعضنا..و بنتعرف اكتر..
* هو احنا لسه متعرفناش بعد كل ده ..؟!
- لا لا مش قصدى اسمك ايه و انتا مين و كده...انا قصدى نعرف اكتر عن حياه بعض..اعرف تاريخ حياتك و تعرف تاريخ حياتى..
و كده يعنى..
* همممم...و عاوز تعرف ايه عن تاريخ حياتى العظيم..؟

( تاريخ حياتك العظيم..! متخلى الطابق مستور..احنا هنبتديها فشر )

-اكيد يا عمو عاوز اعرف كل حاجه .. كل اللى انتا عاوز تقوله, و كل اللى انتا عملته..
* هممممم ...احكيلك على ايه ولا ايه ولا ايه..انا تاريخى كله مليان بالبطولات الخارقه, اللى ملهاش مثيل..

(انخع كمان..انخع, بطولات ايه يا أبو....يا أبو بطولات )

- يا سلااااام...ده انتا شوقتنى اوى.. متحكيلى شويه من بطولاتك دى طيب..
*هممم..لا لا مينفعش..اصلك مش هتفهم الحاجات دى..
- ليه بس..طيب جربنى يمكن افهم...
* همممم...اما نشوف..

(يا باى ع العوجان..استنى عليا بس..ان محرقت دمك )

-يلا بقى يا عمو احكيلى.. اصلك شوقتنى اوى .
* تحب نبتدى منين؟ من اول تاريخ حياتى خالص ؟
- تمام.. احكيلى يلا عن اول حياتك..بدأت أزاى..قال صحيح أنتا اللى موتت الهنود الحمر و طردتهم من أرضهم؟!!
* امممممم.. بلاش الحكايه دى..خلينا نتكلم عن فتره بعد كده بشويه..
- ايوه... بس يا عمو افتكرت..احكيلى عن بطولاتك فالحرب الاهليه..قال صحيح انتو كان عندكوا تفرقه عنصريه..؟!
انا لما قالولى مصدقتش..قلت مش ممكن عمو يعمل كده ابدا..
* امممم..و دى كمان بلاش..
- ايه يا عمو خير..احنا هنقضى تاريخك كله بلاش بلاش..؟ طيب تكلمنى عن ايه..
بقولك..متحكيلى حكايتك ف الحرب العالميه..احكيلى حكايه القنبلتين دول بتوع هيروشيما و نجازاكى..اصلى سمعت عنهم
و انا ف المدرسه..قال صحيح موتوا اكتر من 200000 واحد ؟
*آآ..أصل الموضوع..آآ..
- ماشى يا عمو ..فاهمك انا..بلاش دى كمان.
* ايوه..برافو عليك..
- خلاص احكيلى بس حكايه كوريا..ولا اقولك..احكيلى بتاعت فييتنام..بيقولوا حكايه حلوه قوى..
*لا لا .. انا زى مقولتلك انا مش هقدر احكيلك .. عشان انتا جاهل..مش تفهم البطولات.

( انا برده اللى جاهل, يا أبو جهل )

-خلاص يا عمو..براحتك..زى ما تحب..على كل حال انا مش عاوز ازعلك..ده انتا حبيبى..بس آآآ..
* بس ايه..؟!
- ممكن سؤال رفيع كده يا عمو..؟
* اسأل
- يعنى يا عمو انا مسمعتش عندكم عن ابطال مؤثريين ..طبعا غير حضرتك..يا ترى مفيش صحيح, ولا انا اللى مش واخد بالى..؟
*مين قال كده..؟!!!! احنا بلدنا كله ابطال يا جاهل انتا..

( لسانك ده عاوز قطعه )

- انتا زعلت..انا مش قصدى خالص ازعلك..انا بس بسأل يعنى عشان اتعرف عليهم منك..
* انتا ازاى مش تعرفهم..ازاى مسمعتش عنهم قبل كده؟!
معقول مسمعتش عن سوبر مان ؟! ولا بات مان , ولا سبايدر مان , ولا هولو مان , ولا ايرون مان , ولا 6 مليون دولار مان...ولا اى مان
من دول..؟!!!!!!!
- ياسلااااااااااااااام..هما دول؟! اه و الله صحيح , ازاى بس نسيتهم .. أخص عليا.. طيب دول حتى حبايبى..
*شوفت .. مش قولتلك..اكيد تعرفهم
- بس انتا نسيت كام واحد برده..
* ميين..؟!
-ميكى ماوس , و بطوط , و توم و جيرى
* لا لا .. منسيتش ولا حاجه.. بس دول حاجه تانيه.. دول السوبر هيرو الجامدين اوى..انا مرضتش اقولك عليهم احسن تتخض..
- احب فيك طيبه قلبك دى يا عمو..خفت عليا م الخضه..!!! يا حبيبى يا عمو.
* شوفت ازاى بخاف عليك..هات بوسه بقا..

( تانى..مافيش فايده فيك..ده انا قلت بلاش سوء الظن بتاع المره اللى فاتت..بس الظاهر انك منهم بجد )

- لا معلش يا عمو..عندى برد و كحه و زكام و ...و اى حاجه تمنع البوس...
يوووه ده انا افتكرت.. الحق اروح للدكتور بقى..اشوفك بكره.
سلام يا عمو..

موضوع روعة
تم تثبيت الموضوع علشان تكتب فيه براحتك
فى انتظار المزيد

من طرف **عماد الدين** الثلاثاء 27 يوليو 2010, 8:52 pm

صباح الخير يا عمو..ازيك النهارده..نمت كويس..؟
* اهلا..ازيك..؟
- بخير يا عمو..سألت عليك العافيه..بس ايه ده..ما شاء الله..عينى عليك بارده..صاحى النهارده مزاجك رايق و بترحب بيا
كده يعنى..تتحسد و الله..
* يعنى..قررت اغير اسلوبى معاك شويه..
-ازاى يعنى..؟ـ
* يعنى..اكلمك كويس شويه..و اضحك ف وشك حبه..و كده يعنى.
- خير اللهم اجعله خير..هو حصل ايه فى الدنيا..يا ترى ايه اللى غيرك كده..؟!
*ابدا يا حبيبى..انا قلت مافيش داعى يكون فيه اى توتر بينا و بين بعض..احنا ف الاخر اصحاب .. و الناس هنا كرما و هيضيفونى
فأكيد لازم اعاملهم كويس..ولا ايه..؟!

( يابن اللئيمه..عاوز تضحك عليا و تبلفنى بكلمتين, و تبلطج انتا بقى على حسهم و تقعد بللوشى )

- اه اكيد طبعا..امال ايه؟!! ده اكرام الضيف واجب برده..
انما قولى يا عمو يعنى..بما اننا فتحنا صفحه جديده, و ابتديت تعاميلنى كويس و تضحك فى وشى..ما تيجى نتكلم كده فى
كام موضوع.
* آيوه حبيبى..طبعا طبعا..و ماله..قول كل اللى انت عاوزه..
- بصراحه كده يا عمو انا عاوز اشتكيلك من بنتك "سوسو" ..عجبك العمايل اللى بتعملها دى..؟!
* خير يا حبيبى..عملت ايه "سوسو"..؟!

( ايوه..استعبط استعبط..قال يعنى مش عارف )

- عملها اسود و مهبب..من ساعت ما جبتهالنا سنه 48 و هيا ارفانا ف عيشيتنا..كل شويه نازله ضرب و تكسير ف اللى حواليها..
و كل مره نقعد و نكلمها..يا بت استهدى بالله و أتهدى بقى و خليكى ف حالك, و عيشى ف امان الله..
تقولك حاضر, ماشى, خلاص اخر مره..و نتفق معاها, و تخرج مالقعده انيل م الاول..قلنا نعملك خاطر و نكبرك و قلنلها هنقول لبابا..
قالت و ايه يعنى..بابا سبور..و مش هيعملى حاجه..
قال صحيح انتا سبور..؟!
* هههههههه..يخرب عقلك يا "سوسو"..مش معقوله البت دى..سبور..! هههههه انا سبور ههههههههههههه

( ايه العبيط ده؟!!! فرحان قوى..دى بتقول عليك قرطاس..و فاضلك قرنين و تبقى ولا مؤاخذه )

- سبور ايه و هباب ايه دلوقتى..انا بكلمك على عمايلها دى..هتعمل معاها ايه..؟!!
* معلش حبيبى..استحملوها شويه عشان خاطرى..هيا اصلها طايشه شويه..معلش بكره تكبر و تعقل..اصبر عليها بس.
- نصبر ايه بس اكتر من كده؟!!!! ما صبرنا عليها كتير..من ساعه ما جبتهالنا و احنا عمالين نصبر..
صبرنا عليها ف 56 و صبرنا ف 67 لما جبنا اخرنا ف الصبر..و لما ضربناها ف 73 جيت انتا جرى تقول بنتى, حرام متضربوهاش..
و عملنالك خاطر و قلنا معلش الطيب احسن..و يوميها انتا قلت انك هتربيها كويس, و هتلمها..لكن اهه..
رجعت ريما لعادتها القديمه..

( و طلعت راجل خرونج..و " سوسو" قرطستك )

* يا حبيبى الصبر...انتا مش عارف ان طوله العمر تبلغ الامل..؟
مش فيه مثل عندك بيقول .. اصبر على جار السوء لا يرحل لا تيجى مصيبه تشيله..؟

( يا سلااااام.. لو تشيلكم سوا )

- الا قولى يا عمو..انتا مبتخدهاش عندك ليه؟ هيا مش بنتك؟!! ولا انتوا تخلفوا و ترموا,,و تبلوا الناس ببلاويكم.
* اخدها؟!!! اخد مين؟..لالالا كله الا كده..انسى يا حبيبى مينفعش..معنديش مكان خالص..{ قال اخدها قال..خدها ربنا }..
- طيب و الحل .. هتعمل ايه دلوقت ف الموضوع ده..؟!
* ميكونش عندك فكره يا حبيبى..انا هكلمها, و هزعقلها جامد خالص مالص..و هملصلك ودانها..

( ايوه.. و قلها العبى انتى و اصحابك سوا سوا و متضربوش بعض..انتا الكلام معاك خساره, يا راجل يا..., ولا بلاش )

- عموووو..شويه هوا بس عشان النفس..
سلام يا عمو..أشوفك أمس..

من طرف **شريف محمد** الثلاثاء 27 يوليو 2010, 9:26 pm

قول يا عمو مهو من حق الكبي يدلع دلعن ياريس هشتكن ياريس بس اوع تقلبها علينا يريس

الله يخرب بيت سوسو على أبو سوسو
وربنا يصبر الولد على ما بلاه
مشكــــــــــور يا عمــــــــــــدة

من طرف **عماد الدين** الأربعاء 28 يوليو 2010, 3:32 pm

ما اجمل مروركما
نكمل ولا المنتدى هيترفع من على النت

ليه بتقول كده؟؟؟؟
المنتدى بإذن الله موجود و ربنا يقدرنا و نقدر نرقى بيه
هو انت فيه حد قالك حاجة؟؟؟؟
كمل

من طرف **عماد الدين** الأربعاء 28 يوليو 2010, 4:04 pm

كان يا ما كان.. فيه لص حقير سهتان أسمه حسنى بابا. فى يوم كان قاعد بيبص لغروب الشمس ويتأمل كأنه مغرم صبابة, حسنى بابا كان قاطع طريق محتال وعامل نفسه سبع البرومبة وسيد الرجال وكان عند حسنى بابا جارية كحيانة. اسمها سوزانا الجربانة, قعدت تعيط جنبه. لما لقيته حاطط إيده تحت خده وبيعترض على حكم ربه, سألته الجارية سوزانا: سيدى أنت زعلان ليه يا سيدى؟ قال لها: علشان خايف حسب شريعة الإسلام ممكن يقطعوا أيدى, قالت له: سيب الموضوع ده عليه. ده أنت غالى عليه زى عينيه, والحل يا سيدى بسيط وهو إلغاء شريعة الإسلام. إنسى همومك ياسيدى يا بتاع السلام, قوم ياسيدى اتمشى . وشوف ضحية من الناس بيها نتعشى
وس[ندعوك للتسجيل في المنتدى أو التعريف بنفسك لمعاينة هذا الرابط] حسنى بابا كلام الجارية سوزانا. وقال أما اروح ناحية الخزانة, وقبل ما يوصل للخزانة بشبر. س[ندعوك للتسجيل في المنتدى أو التعريف بنفسك لمعاينة هذا الرابط] صوت قوى كالسحر,خاف حسنى بابا واستخبى. ورا صخرة عريضة شكلها زى الدبة.
وبص حسنى بابا ناحية الصوت اللى جاى من الخزانة. وشاف أربعين حرامى مكتوب على بدلهم كلمة أمريكانا, وس[ندعوك للتسجيل في المنتدى أو التعريف بنفسك لمعاينة هذا الرابط] صوت زعيمهم. بينادى الخزانة ويقول: افتح يا سام سام, ولدهشة حسنى بابا وزعره. شاف باب الخزانة فتح لوحده من غير ما حد يزقه أويجره, وأشار رئيس الحرامية وفى لمح البصر. نزل كل الحرامية من على ركايبهم كأنهم وباء وانتشر, وأشار لهم الزعيم تانى فراحوا يحطوا حاجات. فى الخزانة ويطلعوا حاجات, وبعد ما انتهى الحرامية من مهمتهم. قال الزعيم: اقفل يا سام سام, وقفل باب الخزانة واندار. كل الحرامية وسابوا حسنى بابا خايف محتار
وانتظر حسنى بابا لما الحرامية مشيوا واختفوا. بعد ما شالوا وحطوا واكتفوا, وقرب حسنى بابا من باب الخزانة وقعد يكرر كلام رئيس الحرامية ويتمتم. ومن غير ما يحس قال: افتح يا سام سام, قام باب الخزانة فتح طوالى. قال حسنى بابا: أدخل واشوف واعمل ما بدا لى, ولما دخل الخزانة ارتعب. وشعر راسه المصبوغ وقف وانتصب, ودار فى الخزانة ولف وطاف. وقال: ما كل هذا يا خفى الألطاف, وفجأة صرخ بفرح وقال: دولار.. ين.. استرلينى.. يورو.. دعارة.. فساد.. أحمدك يا غرب
وراح حسنى بابا يملا ويشيل. علشان يروح قبل ما يمشى الليل, وروح على طول على البيت. يحلف ليملاه من أفخر أنواع اللحوم والزيت, ودخل على الجارية سوزانا. يصرخ من الفرحة ويقول: الغرب أعطانا.. الغرب أعطانا. ردت سوزانا: يا سعدنا يا هنانا.. يا سعدنا يا هنانا .
حسنى بابا كان عنده ابن ضايع. قدام مصحته يصبح لأهله وناسه بايع, كان اسمه جمال. وهو دايما عن العمل بطال, وبالصدفة س[ندعوك للتسجيل في المنتدى أو التعريف بنفسك لمعاينة هذا الرابط] ابوه بيحكى لأمه اللى هى الجارية سوزانا. عن اللى لقاه عند الخزانة, قام واخد بعضه وراح يتلصص. وبأبوه وأمه قعد يتربص, وفى نص الليل. بعد ما أبوه وأمه راحوا فى نوم طويل, دخل عليهم أوضتهم . علشان يسرق منهم غنيمتهم, لكن الجارية سوزانا كانت ناصحة. لأنها ربطت الغنيمة بخيط فى صباعها. فانشد قامت صايحة, وقبل الولد جمال ما يفوق ولا يشعر . كان أبوه حسنى بابا نط عليه وفى رقبته بيعصر, وخافت سوزانا على ابنها جمال . قامت شداه من ودانه من تحت ابوه وقالت له: تعال,خليك ناصح إذا كنت ناوى تطلع حرامى متسرقش حاجة من دارك. لكن روح اتعلم السرقة فى اللى ساكن جارك، أو روح اسرق من الخزانة زى أبوك. لكن احذر أحسن الأمريكان يشوفوك, س[ندعوك للتسجيل في المنتدى أو التعريف بنفسك لمعاينة هذا الرابط] جمال كلام أمه سوزانا. وراح على وصفة أبوه للخزانة، ونادى جمال: افتح يا سام سام. قام الباب فتح بمجرد ماتكلم، ودخل جمال واندهش. لما شاف الأموال والفساد لحد ما مخه اتهبش، وفجأة وهو مغمض عينيه ومن السعادة بيلف. لقى إيد تقيلة بتمسكه من الكتف، وسأله صوت تخين وأجش، طلع من واحد شكله تمام كالجحش, عن أصله . وعن فصله، وقبل جمال ما يبلع ريقه. طلب الزعيم من صبيانه تعليقه، قام جمال مستناش. وأخذ يحكى لهم عن أبوه وأمه ومخلاش، راح رئيس الحرامية الأمريكانية اتفق [ندعوك للتسجيل في المنتدى أو التعريف بنفسك لمعاينة هذا الرابط]اه. انه يسلمه أبوه وأمه بعد ما يسيب قفاه، فرح جمال ورجاه أنه يفك قيده. علشان يقدر يوطى ويبوس رجله وإيده، وقبل ما جمال ينصرف. لجل يكيد لأبوه وأمه اللى عليهم اعترف، صرخ فيه الزعيم. وقال له: تعالى هنا يا لئيم، أنا ممكن أسامح أبوك وأمك واخليكم خدم فى قصرى. إذا سلمتونى رقبة واحد اسمه المواطن [ندعوك للتسجيل في المنتدى أو التعريف بنفسك لمعاينة هذا الرابط]، قال له جمال: شبيك لبيك. أنا وأبويا وأمى عبيدك تحت رجليك، ورجع جمال على البيت وحكى لأمه سوزانا ولأبوه حسنى بابا. وعلى الفور صرخوا وقالوا: إحنا يا ناس غلابة، وان كان على الرقبة إياها. تبقى تاهت ولقيناها.
كان المواطن [ندعوك للتسجيل في المنتدى أو التعريف بنفسك لمعاينة هذا الرابط] هو فتوة الحارة. فى وجوده مقدرش الأربعين أمريكانى ينفذوا أى أى غارة، كان زى الوحش الكاسر. ورث الفتونة كابرا عن كابر، وكان حامى الديار والعرض. وفوق كل ده ما كانش أبداً بيسيب ولا فرض
قاموا عزموه لحضور حفلة. علشان يسكروه ويقدروا ياخدوه على غفلة، وكان الأربعين أمريكانى مستخبيين. فى بيت حسنى بابا وللإشارة مستنيين
المواطن [ندعوك للتسجيل في المنتدى أو التعريف بنفسك لمعاينة هذا الرابط] كان شهم كريم. طلب منهم إن غلابة الحارة يكونوا أول ال[ندعوك للتسجيل في المنتدى أو التعريف بنفسك لمعاينة هذا الرابط]ازيم، وبدأت الحفلة فطلب حسنى بابا من سوزان أنها تطلع. وترقص لل[ندعوك للتسجيل في المنتدى أو التعريف بنفسك لمعاينة هذا الرابط]ازيم وتتقصع، واعترض المواطن [ندعوك للتسجيل في المنتدى أو التعريف بنفسك لمعاينة هذا الرابط]. وقال: إنتو كده بتحفروا قبرى، قام حسنى بابا رضخ للأمر. وطلب من ابنه جمال أن يقدم لل[ندعوك للتسجيل في المنتدى أو التعريف بنفسك لمعاينة هذا الرابط]ازيم الخمر، ولتانى مرة المواطن [ندعوك للتسجيل في المنتدى أو التعريف بنفسك لمعاينة هذا الرابط] للمنكر يرفض. وصرخ فيهم راح حسنى بابا قعد يتنفض، وقعد يفكر محتار. يسلمه إزاى لأسياده فى الكار، وأثناء تفكيره فى الأمر. س[ندعوك للتسجيل في المنتدى أو التعريف بنفسك لمعاينة هذا الرابط] المواطن [ندعوك للتسجيل في المنتدى أو التعريف بنفسك لمعاينة هذا الرابط] أذان الفجر، واستعد علشان ينزل يصلى فى مسجد الحارة. ونادى على إخوانه الغلابة والفقارى. وبالصدفة كان الآذان هو الإشارة، اللى اتفق عليها حسنى بابا [ندعوك للتسجيل في المنتدى أو التعريف بنفسك لمعاينة هذا الرابط] الأربعين أمريكانى. علشان يطلعوا من مخبأهم الجوانى، علشان ياخدوا المواطن [ندعوك للتسجيل في المنتدى أو التعريف بنفسك لمعاينة هذا الرابط] وهو طينة سكران، وأثناء طلوع الأربعين أمريكانى من مخبأهم كان المواطن [ندعوك للتسجيل في المنتدى أو التعريف بنفسك لمعاينة هذا الرابط] بيكتشفهم، وحمد وشكر ربه أنه ماشربش الخمر اللى حسنى بابا صبه، وعلى الفور مسك فى الاربعين حرامى ضرب. وربطهم [ندعوك للتسجيل في المنتدى أو التعريف بنفسك لمعاينة هذا الرابط] حسنى بابا وسوزانا وجمال وراح يلف بيهم الحارة درب… درب، والناس بعد الفجر راحوا. يتفرجوا عليهم وهم من الضرب والذل بالمؤامرة اعترفوا وباحوا، قام أهل الحارة أخدوهم على القاضى خليفة عبد الجبار اللى أمر بجلدهم وتجريسهم كل واحد مقلوب على حمار. وهكذا انتصر أهل الخير على الأشرار كما هى دايماً سنة الله الواحد القهار.

خبطنا فى الحلل و ربنا يستر علينا
دلوقتى انا فهمت ليه قولتلى المنتدى هيتقفل و يتشال من على النت

من طرف **عماد الدين** الأربعاء 28 يوليو 2010, 4:50 pm

والله لو حد كلمنى هقول انا اخدت اذن مدير المنتدى
والمشرفين
والاعضاء ال 45 كلهم
ويلا بقى
نرمضن هناك

من طرف **شريف محمد** الأربعاء 28 يوليو 2010, 11:10 pm

يخوفى يا عمدة احسن بابا ابح وماما سوسو يزعلو منك

من طرف **شريف محمد** الأربعاء 28 يوليو 2010, 11:51 pm

اسم السلسلة: هات ودنك

لا حضرتك .. انا مش مجنون.. انا بس بسأل..بلاش أسال..؟!
سؤال غريب مش كده..؟
بس ايه المشكله..يعنى هيكون اغرب من اللى بيحصل فعلا..و بعدين لازم نقدر الاسلوب و الطريقه المؤدبه فى السؤال.
يعنى كان احسن يروح يقتله كده , من غير لا احم ولا دستور..!
الاصول اصول.. و اللى يمشى ع الاصول ميتعبش, ولا ايه..؟!

ع العموم ماشى ..خلونى معاكم..سؤال غريب
بس ايه اللى مش غريب بالنسبه لكم بقى..؟ جرايم القتل اللى بقت اكتر من اغانى الفيديو كليب ..ده مبقاش يمر يوم من غير
منسمع عن جريمه جديده..!
عارف ان القتل مش حاجه جديده, و انه من ايام ولاد ادم قابيل و هابيل و الناس مش طايقه بعض ,و شايفين ان الدنيا زحمه و عاوزين
يخففوا العدد, عارف انا كل الكلام ده..
بس ع الاقل زمان كانوا بيتلككوا لبعض الاول عشان يبقى فيه سبب للقتل.. انما دلوقتى بقى من غير اى سبب, اهو كده و خلاص,
واحد ملوش مزاج و عاوز حاجه جديده, يقوم يشوفله حد يقتلوا..!
هو ده اللى مش غريب..؟!

لما واحد يقتل واحد صاحبه عشان هزر معاه بطريقه خلت برستيجوا ينقح عليه..هو ده اللى مش غريب..؟!
الهزار اللى كان زمان الناس بتتلم مع بعض عشانه, و يقعدوا طول الليل يضحكوا, و يخشوا لبعض قافيه و يشوفوا مين اللى يغلب,
دلوقتى بقوا بيموتوا بعض عشانه..!
بس برده معاه حق..كله الا البرستيج.. هو البنى ادم ايه غير برستيج يعنى..الباقى كله كلام فارغ..!

لما واحد يقتل مراته..قال ايه..اصلها رغايه..قال يعنى لسه واخد باله .. مهيا من الاول رغايه.. اتجوزتها ليه؟!
و بعدين فيه اختراع اسمه الطلاق ,ولا مسمعش عنه؟! هو ده اللى مش غريب..؟!
بس برده عنده حق..لسه بقى هيطلق, و يجيب مأذون, و نفقه بقى و بتاع..القتل اسرع برده..!

و كله كوم و الجيل الجديد ده بقى كوم..
عيال مش طايقه الفانله اللى لابسينها..
تبص تلاقى خبر بيقولك عيل قتل زميله ف المدرسه..!
خير يا حماده موته ليه؟ ..اصلى كنت حران شويه و عايز اقعد جنب الشباك, بقله وسع شويه, قام اتلامض..اسكتله يعنى؟!
قلتله خد الشباك و غور..
و الا ام حماده بقى..يا مزاجها العالى.. تقولك ايه.. معلش اصل حماده عصبى شويه , بس قلبه طيب و الله..!
لا و الله عندك حق يا حماده..سلامه مزاجك يا حبيبى..!

ولا الست هانم اللى تقتل جوزها .. قال ايه اصله بيلعب فى حاجاتى من غير أذنى.. عنها حق برده, شويه خصوصيه برده,
و بعدين ده حايالله جوزها, يعنى ملوش الحق يستعمل حاجه بتاعتها قبل مايستأذن..!

و بعد كل ده تقولولى السؤال غريب..طيب ع الاقل ده بيسالوا الاول و بياخد رأيه..ممكن اقتلك و لا ايه..؟
يعنى لو لقاه مش فاضى ممكن يجيله وقت تانى .. راجل بيفهم ف الاصول و الاتيكيت..
لو سمحت و بتاع .. جو شياكه برده..
و اهو برده من باب التطور, عشان مواكبه حركه التطور و ركب العولمه..
حلوه ركب العولمه دى مش كده..شغل ثقافه بقى انما ايه ..اوعى وشك.

و بعدين فرضنا مثلا انك نازل من البيت مضايق حبتين,هتعمل ايه يعنى..؟ تكتم ف نفسك بقى و يجيلك ضغط و سكر ب تقضيها
مستشفيات..ولا تشوفلك اى حد ماشى ف الشارع و تروح داخل عليه كده و بكل ادب ..بعد اذن حضرتك ..ممكن اقتلك..؟
بدل الاسلوب قليل الادب بتاع الخناق و جر الشكل و الكلام ده..مش طالبه تقطيع هدوم.

و الله يا جماعه انا خايف ليجى يوم نلاقى الناس كلها نازله الشارع بسلاح, و فى البيوت بقى لما العيله تتلم قدام التلفزيون..
نلاقى جنب السودانى و اللب , سكاكين و سواطير و مسدسات..و مش بعيد ار.بى.جى..!
ربنا يستر علينا

و عجبى...يالا يعمدة علشان يبقا عصفورين بحجر واحد

من طرف **شريف محمد** الأربعاء 28 يوليو 2010, 11:55 pm

لا حضرتك .. انا مش مجنون.. انا بس بسأل..بلاش أسال..؟!
سؤال غريب مش كده..؟
بس ايه المشكله..يعنى هيكون اغرب من اللى بيحصل فعلا..و بعدين لازم نقدر الاسلوب و الطريقه المؤدبه فى السؤال.
يعنى كان احسن يروح يقتله كده , من غير لا احم ولا دستور..!
الاصول اصول.. و اللى يمشى ع الاصول ميتعبش, ولا ايه..؟!

ع العموم ماشى ..خلونى معاكم..سؤال غريب
بس ايه اللى مش غريب بالنسبه لكم بقى..؟ جرايم القتل اللى بقت اكتر من اغانى الفيديو كليب ..ده مبقاش يمر يوم من غير
منسمع عن جريمه جديده..!
عارف ان القتل مش حاجه جديده, و انه من ايام ولاد ادم قابيل و هابيل و الناس مش طايقه بعض ,و شايفين ان الدنيا زحمه و عاوزين
يخففوا العدد, عارف انا كل الكلام ده..
بس ع الاقل زمان كانوا بيتلككوا لبعض الاول عشان يبقى فيه سبب للقتل.. انما دلوقتى بقى من غير اى سبب, اهو كده و خلاص,
واحد ملوش مزاج و عاوز حاجه جديده, يقوم يشوفله حد يقتلوا..!
هو ده اللى مش غريب..؟!

لما واحد يقتل واحد صاحبه عشان هزر معاه بطريقه خلت برستيجوا ينقح عليه..هو ده اللى مش غريب..؟!
الهزار اللى كان زمان الناس بتتلم مع بعض عشانه, و يقعدوا طول الليل يضحكوا, و يخشوا لبعض قافيه و يشوفوا مين اللى يغلب,
دلوقتى بقوا بيموتوا بعض عشانه..!
بس برده معاه حق..كله الا البرستيج.. هو البنى ادم ايه غير برستيج يعنى..الباقى كله كلام فارغ..!

لما واحد يقتل مراته..قال ايه..اصلها رغايه..قال يعنى لسه واخد باله .. مهيا من الاول رغايه.. اتجوزتها ليه؟!
و بعدين فيه اختراع اسمه الطلاق ,ولا مسمعش عنه؟! هو ده اللى مش غريب..؟!
بس برده عنده حق..لسه بقى هيطلق, و يجيب مأذون, و نفقه بقى و بتاع..القتل اسرع برده..!

و كله كوم و الجيل الجديد ده بقى كوم..
عيال مش طايقه الفانله اللى لابسينها..
تبص تلاقى خبر بيقولك عيل قتل زميله ف المدرسه..!
خير يا حماده موته ليه؟ ..اصلى كنت حران شويه و عايز اقعد جنب الشباك, بقله وسع شويه, قام اتلامض..اسكتله يعنى؟!
قلتله خد الشباك و غور..
و الا ام حماده بقى..يا مزاجها العالى.. تقولك ايه.. معلش اصل حماده عصبى شويه , بس قلبه طيب و الله..!
لا و الله عندك حق يا حماده..سلامه مزاجك يا حبيبى..!

ولا الست هانم اللى تقتل جوزها .. قال ايه اصله بيلعب فى حاجاتى من غير أذنى.. عنها حق برده, شويه خصوصيه برده,
و بعدين ده حايالله جوزها, يعنى ملوش الحق يستعمل حاجه بتاعتها قبل مايستأذن..!

و بعد كل ده تقولولى السؤال غريب..طيب ع الاقل ده بيسالوا الاول و بياخد رأيه..ممكن اقتلك و لا ايه..؟
يعنى لو لقاه مش فاضى ممكن يجيله وقت تانى .. راجل بيفهم ف الاصول و الاتيكيت..
لو سمحت و بتاع .. جو شياكه برده..
و اهو برده من باب التطور, عشان مواكبه حركه التطور و ركب العولمه..
حلوه ركب العولمه دى مش كده..شغل ثقافه بقى انما ايه ..اوعى وشك.

و بعدين فرضنا مثلا انك نازل من البيت مضايق حبتين,هتعمل ايه يعنى..؟ تكتم ف نفسك بقى و يجيلك ضغط و سكر ب تقضيها
مستشفيات..ولا تشوفلك اى حد ماشى ف الشارع و تروح داخل عليه كده و بكل ادب ..بعد اذن حضرتك ..ممكن اقتلك..؟
بدل الاسلوب قليل الادب بتاع الخناق و جر الشكل و الكلام ده..مش طالبه تقطيع هدوم.

و الله يا جماعه انا خايف ليجى يوم نلاقى الناس كلها نازله الشارع بسلاح, و فى البيوت بقى لما العيله تتلم قدام التلفزيون..
نلاقى جنب السودانى و اللب , سكاكين و سواطير و مسدسات..و مش بعيد ار.بى.جى..!
ربنا يستر علينا

و عجبى...

من طرف **المدير العام** الخميس 29 يوليو 2010, 2:32 pm

شـــــــريــــــف
كمــــــــــل مـــوضوع عمـــــــــاد الدين
وسوف يتم ايقاف عضوية عمـــــــاد الدين من المنتدى
وأكيـــــــــد انت عـــــارف إيــــــــه السبب و ليه انا هوقف عضويته أو ألغى اشتراكــــه

من طرف **شريف محمد** الخميس 29 يوليو 2010, 3:26 pm

ا. عمرو يمكنك بحزف الموضوع والتنبة على العضو وبعد زالك افعل ما تشا اذا تعددت الاخطا
الاستاذ عمرو خد العنوان واوضعة على جوجل وشوف الموضوع المزعلك ردودو اية فهل الدعابة ممنوعة فى اى منتدا

من طرف **عماد الدين** الخميس 29 يوليو 2010, 3:42 pm

كلام ده جد عشان الحق اقدم استقالتى
عشان شكلى ميبقاش وحش
بدل ما انطرد
من المنتدى

من طرف **المدير العام** الخميس 29 يوليو 2010, 3:44 pm

انا مش قصدى الدعاية خالص
انا قصدى حاجة تانى
وانت فاهمها

من طرف **عماد الدين** الخميس 29 يوليو 2010, 3:46 pm

امممممممممممممممممممممممممممممم؟؟؟؟؟؟؟؟؟؟؟؟؟

من طرف **المدير العام** الخميس 29 يوليو 2010, 3:48 pm

استنى يا عمدة خدلك جنب دلوقتى
انا كلامى مع شريف
هفهمك الموضوع يا عماد فى رسالة خاصة
بس الكلام ده هيبقى سر بينى و بينك
بس عايز شريف يرد عليا

من طرف **المدير العام** الخميس 29 يوليو 2010, 3:50 pm

شــــــــــــريــــــــــف
إنت فيـــــــــــــــن؟؟؟؟؟؟؟؟؟؟؟؟؟

من طرف **عماد الدين** الخميس 29 يوليو 2010, 3:51 pm

اخلينى فى جنب
ماشى
انا فى كوزى لحد متعزنى

حوار مع الامريكانى

حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

اسم السلسلة: هات ودنك

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى

رد: حوار مع الامريكانى