ليلة الهلتون ب 1000 جنية
3 مشترك
مـنـتـديـات الـقـصـيـر الـبـحـر الأحـمــر :: مـنـتــدى التـرفـيــــــــــه :: النـكــت و الـفـوازيـــر و الألغــــاز
صفحة 1 من اصل 1
ليلة الهلتون ب 1000 جنية
من طرف شريف محمد الأحد 11 يوليو 2010, 8:59 pm
واحد افندى راح يبات هوا والمدام فى الهيلتون ليلة و ثانى يوم الصبح بيطلب من موظف الاستقبال الحساب و دار بينهم هذا الحوار:
الرجل: الحساب كام من فضلك؟
الموظف: 1000 جنيه بس يافندم
الرجل: ألف جنيه ليه يا أستاذ.. كتير قوى مبلغ ألف جنيه فى ليلة دى كانت ليلة واحدة يا محترم
الموظف: أجرة المبيت فى الليلة بـ 400 جنيه
الرجل: طب و الـ 600 جنيه الباقيين ليه بقى إن شاء الله؟
الموظف: عندك 100 جنيه أجرة الموظفين اللى بيشيلوا الشنط سيادتك لما نزلت من التاكسى مش كان فيه شيالين بيشيلوا الشنظ
منتظرينك؟
الرجل: أما غريبة والله.. بس أنا شيلت الشنطة بنفسى وماحدش شالهالى
الموظف: ماهو كانوا موجودين قدام سعادتك .. ما ناديتش عليهم يشيلولك الشنطة ليه؟
الموظف مستطرداً... هاكمل لحضرتك باقى المبلغ عندك 50 جنيه إستعمال سجاجيد السجادة اللى من غرفة حضرتك للمطعم
الرجل: أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة
الموظف: ماهى السجادة كانت عند سعادتك.. ما مشيتش عليها ليه؟
الموظف: وعندك 200 جنيه إستخدام حمام السباحة
الرجل: بس احنا ما نزلناش عومنا فى الحمام خالص.. هوا احنا وش عوم ومايوهات
الموظف: حضرتك حمام السباحة كان قدام سعادتك ما نزلتوش عومتوا ليه؟
الموظف: وعندك 100 جنيه إستعمال التليفزيون و قنوات الدش و الريسيفر فى الأوضة
الرجل: دش ايه اللى انت جاى تقول عليه !احنا ما شغلناش امبارح غير القناة الأولى والتانية.. هوا كان فيه دش!
الموظف: قنوات الدش كلها كانت عند سعادتك ما اتفرجتش عليها ليه؟
الموظف: وعندك 150 جنيه إستعمال سخان الميه اللى بالكهربا فى الأوضة
الرجل: الدنيا كانت حر أصلاًُ وما أستعملناش السخان فى حاجة
الموظف: مالناش دعوة.. السخان كان عند سعادتك ما إستعملتوش ليه؟
الرجل: أما شيىء سخيف قوى
انتظر الرجل لـ لحظات ثم أخرج له 400 جنيه فقط
الموظف: دول 400 جنيه بس
الرجل: الـ 600 جنيه الباقية حق ما بوست المدام بتاعتى
الموظف: ايه الكلام الفارغ ده ... حضرتك عاوز تجيبلى مصيبة هوا أنا بوست المدام بتاعتك خالص ولا جيت جنبها
الرجل: ماكانت قدامك امبارح ما بوستهاش ليه
شريف محمد
سمكة القصير
المدير العام
مواضيع مماثلة» طرائف ليلة دخلة العروسين (( روشة ))
» تعالو شوفو فضايح البنات ليلة الزفاف
» مفاجأة ليلة الزفاف
» خير عظيم يناديك كل ليلة ،،
» مراحل الميت في القبر من اول ليلة الى 25 سنة
» تعالو شوفو فضايح البنات ليلة الزفاف
» مفاجأة ليلة الزفاف
» خير عظيم يناديك كل ليلة ،،
» مراحل الميت في القبر من اول ليلة الى 25 سنة
مـنـتـديـات الـقـصـيـر الـبـحـر الأحـمــر :: مـنـتــدى التـرفـيــــــــــه :: النـكــت و الـفـوازيـــر و الألغــــاز
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى