تشرب شاى

قاللى..
إنت متهم بنشر روح اليأس..
قلت له والعمل..
قاللى لماذا لا تذهب مع عمك إلى الحقل
تزرع الأرض..
وتحمل الفأس..
قلت له إنت سخن..
ولا بردان..
أنا عمى مات
والأرض اتباعت من زمان..
تشرب شاى
قاللى لا بأس..
إذن لماذا لا تذهب
إلى حقول الغاز
حيث الخير الوفير..
قلت له حقول تانى
يا عم ده إحنا ف عرض أنبوبة
قاللى هيا بنا نعبر الطريق
إلى الأمل والتغير..
قلت له بس حاسب أحسن عربية تخبطك
ده مش طريق
ده مهرجان للطبل والزمر والرقص..
قاللى من أين يأتى كل هذا الضلام..؟
قلت له
أرجوك شاور لهذا التاكس..
قاللى لماذا..؟!
قلت له إذهب إلى خالك
فى حلقة السمك
عشان تعرف إن السمكة
بتفسد من الرأس...