المشكلة فى الشعب

بعد تأملات كثير لأحوال المصريين إكتشفت إن المشكلة قد لا تكون فى الحكومة و إنما المشكلة فى الشعب. وبالتالى يجب أن نغير الشعب بدلا من الحكومة وها هو الإثبات:
1. الناس بتقول شعوب العالم الثالث (وأحيانا الشعوب المتخلفة) مش بيقولوا حكومات العالم الثالث - إذا المشكلة مشكلة شعوب وليست حكومات.
2. منذ عام 1952 تعاقبت علينا حكومات كثيرة و الأمور تسير من سئ إلى أسوأ ودائما نلقى اللوم على الحكومات فهل فكرنا أن نلوم الشعب؟
3. ثبت أخيرا أن الشعب (والشرطة) فى خدمة الوطن و بما إن الوطن حالته زفت يبقى المشكلة فى الشعب إلى مش عارف يخدم الوطن كويس - طبعا الشرطة زى الفل ماتودناش فى داهية دا إحنا على أبواب إنتخبات و أيام مفترجة.

و بالتالى يجب أن نشكر حكومتنا النظيفة الرشيدة و الحبيبة الغالية علينا كلنا على مجهودها مع هذا الشعب المتخلف و مبارك عليهم الشعب بعد تغييره .....

جاهزين للبدء فى تغيير الشعب؟

عندك حق
ولاول مرة اجاملك
انت صح

يعنى دى مجاملة
وكلامى مش داخل دماغك

أولا: موضوع روعة يا عمدة
ودى مش مجاملة
فعلا لازم تغيير الشعب

هى الحكومة مش من الشعب برضه؟؟؟؟؟