من اختار لك اسمك عند الولادة

من طرف **عطر الياسمين** الأحد 27 مارس 2011, 12:24 pm

: من اختار لك اسمك عند الولادة

-السلام عليكم ورحمة الله وبركاته ... لااطيل عليكم اخليكم مع الموضوع للحوار فيه0

من المعروف أن لكل شخص على وجه الأرض إسم ولكل إسم حكاية,فهناك من يسميه الوالدين قبل أن يولد فيختاران له إسمه وينتظرون قدومه.

وقد يختار الإسم الأب أو الأم أو الأخ أو الأخت أو أحد الأقارب أوغيرهم..
وأحيانا يكون من إسم الأجداد ..وأحيانا تفاؤلا بحدث أو سبب..

فاليوم نحب أن نفتح هذا الموضوع مع البنات والشباب و نسأل ياترى من إختار لك إسمك عند الولادة؟
هل لإسمك قصة معينة أم لا؟

موضوع جميل يا عطر الياسمين

و نيجى لقصة اسمى

أحـــمــــــــــــــــــــد

ما تستغربوش أيوة اسمى ( أحمد )

و الإســــــم ده اللى اختــــــارته والدتى عشان كانت بتحب الإســم ده و كمان كان منتشر أيامها كتير و كانت حاسة

إنه خفيف على اللسان

و خلاص اتفقوا على الإسم

و كان والدى ساعتها مسافر و طبعا أيامها مكنش فى تليفونات إلا عند كام واحد بس

و اتصل والدى على بيت جيرانا اللى كان عندهم تليفون و بلغوه بتشريفى

و لما جيه والدى من السفر بعد أسبوع

راح طبعا علشان يعمل شهادة الميلاد

بـــــــــــــــــــس

بــقـــى اســمــــــــــى عُمــــر بــدل مــن أحــمـــد

ههههههههههههههههه

علشان أخويا اللى أكبر منى كان اسمه محمد

على اسم سيدنا النبى عليه الصلاة و السلام

فهو قال أنا معايا واحد على اسم النبى

فهسميه عمر على اسم سيدنا عمر بن الخطاب

و دى قصة اسمــــــــى

انا بقى كان اسمي (يسرا)
ده الاسم اللي سمتهولي امي
،طبعا هي ولدتني عند اهلها في البلد وابويا كان هنا في القصير في الشركة،وفي واحد بلدياتنا كان جاي من البلد وقال لابويا مبروك عليك البنت التانية ،
راح ابويا كتبني في الشهادة (اسماء) على اسم الصحابية الجليلة اسماء بنت ابي بكر الصديق رضي الله عنه ،
وامي اتفاجاءة بالاسم كانت عايزة تسميني (يسرا)على اسم الممثلة اللي كانت بتحبها يسرا ،طبعا انا بحمد ربنا اني مابقيش اسمي يسرا وكفايه عليا اني بيدلعوني (سمكة)علشان اسمي اسماء
دي قصة اسمي (اسماء)
والموضوع فعلا هايل ياعطر الياسمين

من اختار لك اسمك عند الولادة

من اختار لك اسمك عند الولادة

رد: من اختار لك اسمك عند الولادة

رد: من اختار لك اسمك عند الولادة