عضو مجلس المحلى يوافق على اقامة المعرض

العضو المحترم ووكيل مجلس سابق يحارب تجار القصير بشان المعرض
التجار متضرين من الاقامة بسب الظروف التى تمربها البلاد والعضو له الغرض وقد سبق ان قد انفرد رئيس المجلس بالموافقة لوحده وهذا مخالف للقانون وعندما اشعر التجار قاموا بالشكوى وقام بالتوقيع العضو المحترم ومع العلم له مصلحة فى اقامة المعرض والناس كلها عارفة
كا شىء على العضو المحترم

أو يتحولوا لبلطجية

اولا: شكر على الردود مع العلم انا لامع هذا ولامع ذاك
ثانيا : ان السنةالحالية مش زى السنة اللى فاتت والحالة الاقتصادية وانتم عارفينها
ثالثا : البضاعة راكدة وليس فيها جديد وكلها موجود بالسوق
رابعا: حق الدولة فين من ضرائب

خامسا : الاشتراطــات العامة الخاصة لإقامة منــافذ البيـــع المؤقتة :

** طبقا لقرار السيـــد / رئيــس مجلــس الوزراء رقـــم ( 1072 ) لسنـــة 2003 في هـــذا الخصـــوص مـــع مراعاة ما قرره كـــل مـــن القانون رقم ( 189 ) لسنة 1951 بشان الغرف التجارية والقانــــون رقـم ( 34 ) لسنة 1976 بشان السجل التجاري بما يوجب على مقدم الطـلب السماح له بإقامة منفذ بيع مؤقت مراعاة الاتى:

1- تقديم عقد إيجار أو ملكيــة للموقــع مثبت التاريخ من الشهر العقاري .

2- الترخيص من وزير التموين و التجارة الداخلية أو من المحافظ بإقامة المنفذ .

3- التاشير بالبطاقة الضريبية الخاصة بمقدم الطلب بإضافة المنفــذ و موضحه نـوع النشاط و مدته .

4- موافقة الدفاع المدني .

5- الحصول على ترخيص مزاوله النشاط بالمنفذ من الغرفة التجارية .

6- التاشير بإقامة المنفذ في صحيفة القيد بالسجل التجاري .

علي فكرة افتتاح المعرض اليوم

بس كمان في حاجة :
أولا التجار شايفين الحالة الاقتصادية سيئة والناس تعبانة طيب هم كمان بيستغلوا الناس ومش عايزين يرخصوا البضاعة
حضراتكم تعرفوا ان التجار في القاهرة عملوا مبادرة لرخص الأسعار يعني اللحمة مثلا رخصت وقللوا من هامش الربح لكن للأسف تجارنا عندهم مبدأ انهم ممكن يلقوا بالبضاعة في الزبالة ولا يبيع بهامش ربح ضعيف- ولا أقول بخسارة - بل هم يكسبون أضعاف أضعاف ونحن نرى ذلك حيث يتحمل المستهلك في القصير أجر النقل على كل سلعة وليس على كل السلع مجتمعة
فلما يجي معرض ويبيع للناس بسعر متهاون يبقى ليه نزعل مش برضه المستهلك عايش حياة صعبة ولا هي صعبة على التاجر ومريحة للمستهلك؟

اشكر الاخوه على الرد
الاستاذ / اشرف للعلم ان المصدر المؤثق فيه ابلاغنى ان شركة الكهرباء حررت محضر وتم ارسله الى شرطة الكهرباء لتحرير محضر
المضوع الافتتاح تم التاجيل لحين استكمال الاشتراطات الواردة بالقرار وان رئيس المجلس لم يوافق الافتتاح الا بعد استكمال الشروط وكذلكتم الصعيد عن طريق بعض تجار بالقصير وعمل مذكرة للجيش وتم ارسالها الى القاهرة والرد يجب استكمال الشروط
الاستاذ / مصرى
انا معاك فى اللى بتقوله بس نحن كاهلى البلد اعطينا الفرصة ان التجار يعملوا كده مثل بسيط اللحمة فى الايام الاخيرة كانت 50 جنيه ياتى واحد طبعا معاه فلوس الاراض الذى بعها ويقول لتجار اعطينى لحمة مشفاية وعطيه 55 جنيه التجار بعد يرفع السعر الى 55 جنيه وبالتالى عندما يشترى مرة اخره يدفع 60 جينة وبالتالى يرفع التجار الى 60 انت متعرفش ان اللحمة المشفاية النهاردة وصلت الى65 جنيه
مع العلم فى قنا تباع اللحمة 45 جنيه قصدى نحن كاهلى بنعمل فى نفسا كدة حديك مثل اهب الى الغردقة رغم انها بلد سياحى احسن من القصير مائة مرة الحاجة فيها رخيصة اقصد التاجر له القرش الزيادة وطالما نحن بنعطى لهم الفرصة
لو فيه قرار حاسم من رئيس المدينة والمجلس المحلى ورقابه المسئولين على التجارة الداخلية والصحة وحدش يعمل فينا
واقول لك حاجة تانيه انت عارف ان القصير ماشية على موضوع التقسيط لما تاجر يشوف الزباين بتشترى من المعرض كاش يعنى الفلوس بتطلع ايام المعرض تفتكر ايه موقفه لما يشترى حاجة بعد المعرض بالتقسيط التاجر مش حيعطيه حاجه وان اعطاه حيزود فى ثمن الحاجة ومن هنا ياتى ارتفاع الاسعار ........... وهذا وجه نظرى

فعلا أخي المواطن مشارك في هذا وانا رأيي أن سياسة المقاطعة هي أفضل سلاح لمواجهة جشع التجار فهي أقوى من المجلس وغيره من المنتفعين اللي مبيدفعوش او بيدفعوا من فلوسنا
والله القصير لو اتفقت على مقاطعة اللحمة شهر حتلاقي الجزارين يدوروا بيها على العربيات وانا من هنا أدعو الى فكرة مقاطعة اللحمة ولنجعلها بداية لتصحيح الأوضاع

انا معاك وممكن تاتى المقاطعة من الناس الغلابة اما الناس اللى معاها فلوس وركبه عربيات من فلوس الاراض ميهماش حاجة والفلوس فى البنك ومن الرباح يتفشخر على حساب الناس الغلابة اصلوا لو تعبان عليها حيعرف يدفع القرش فى مكانه المظبوط .................ربنا يستر على الناس الغلابة والله انا اعرف ناس بدخل اللحمة كل شهر مرة.................عايزة وقفة من الناس ويساندها المسئولين

رئيس مدينة القصير يخالف قرار رئيس مجلس الوزراء رقم 1072 لسنة 2003 ويرسل اشارة الى هندسة الكهرباء بتوصيل الكهرباء للمعرض دون موافقة غرفة التجارية و الدفاع المدنى طبعا ده بطغت من رئيس المجلس المحلى والعضو المحترم
فعلا الفساد مازال موجود بالمحليات انا مش عارف امتى حينتهى

العضو المحترم يجمع 12 بطاقة ضريبية من تجار مدينة القصير لفتح المعرض طبعا مافيش حد كم التجار حيعرض المنتجات ......................لكن السبب هل فيه رشوة اوفيه ملابس تذهب الى البيوت وعلشان الفرجة على النسوان وايه الحكاية ياها العضو المحترم ..... اصل بصراحة التحمس هذا غير دانت عمرك مخدمت حد مش لما تعطى حقوق الناس اللى شغالة معاكم ..... ولا هى فشخرة وبس الله يحرم ايام زمان

انشقاق بين اعضاء المجس المحلى للمدينة بجلسة اللجنة الدائمة المنعقدة يوم الخميس وطلبا بعض الاعضاء الموالين رئيس المجلس السابق بتجميد عضوية رئيس المجلس المحلى الحالى لتوقيعة على موافقة اقامة المعرض ومعه مقر لجنة التموين
اللهم اضرب الظالمين بالظالمين واخرجنا منا سالمين

شكرا ياسمسمة
لعلم يوم الخميس القادم فيه اجتماع وسوف يحضره ممثل حقوق الانسان وجارى التنسيق مع الجيش والشرطة رئيس مجلس ادارة شركة المياة ورئيس المدينةلحضور هذا الاجتماع من ضمن الموضوعات حل المحليات والمياة والاراض التى حصل عليها بغير وحق والتعينات واعادة النظر فى تشغيل الشركة وموضوعات ثانية كثير ولو حد عاوز يحضر يتصل بى واهلا وسهلا به فى حب القصير

ان شاء الله

لا يغير الله ما بقوم حتي يغيروا ما بأنفسهم

القصير للبانيها مش للجاى يشتغل فيها

شكرا ياسمسة
اصل المسئولين هم السبب علشان كل واحد يحتضن الغريب علشان اى سبوبة