حكايتها زي حكايتى

حكايتها زي حكايتي
وحكايتك أنتي كمان
كلامها كأنه مرايتي
وجع ف نفس المكان
اه م القلب طالعه
بتكسر الضلوع
وياريتك يا دنيا سامعه
وترقي للدموع

حلم جوا قلوبنا
وبيداعب خيالنا
وقيود تلف فينا
وتسحبنا من رقابنا

حكت لي حكايتها
وجريت الدموع
من شدة اه قالتها
ضاع ضؤ الشموع

قالت لي نفسي أكون
لؤلؤه ف المحار
والف كل الكون
بنقابي أو خمار

واقول للدنيا شوفي
أنا ماشيه وراسي فوق
مش ماشيه أداري كسوفي
وده فرق م الفروق

عفه وحياء وطُهر
وأكون للدعوة فخر
ولا أكونش سيف مسموم
يطعن ديني ف الظهر

لكن يا أختي لكن
اه من وجع دي كلمه
وجعي ف القلب ساكن
دبحوني أهلي بكلمه

قالولي هي لاء
خمار ونقاب ده إيه
العمر مش مستحق
نعقد تاني فيه

عيشي دول يومين
لو راحوا يجوا فين
أتمتعي بحياتك
يا زهرة البساتين

قُلت لها يا أمي أنتي
أوفي وأطيب صديقه
أنتي شطي وسفينتي
وضحكتي البريئه

حسي وجع ف قلبي
ليه بتزوديه
أنا نفسي أرضي ربي
مش لبس أداره فيه

يا ولدي يا أغلي الناس
عاوزني ليه أنداس
أنا ليك شرف و كرامة
بتعلي بيه الراس

بحجابي مش هاموت
ولا هايفوتني الجواز
ده انا هبقي حته ياقوت
مش هبقي حته أزاز

مش هندفن بالحيا
ولا هامشي ف تيارات
ده طريق ماليه الضيا
ومخرج المتاهات


رضيتم أبقي مسخ
وفرجه لاي حد
وقعتم ف فخ
عدو عليكو اتحد


ساعدوني ده قراري
جنه ماهواش ناري
سبب سعاده ف قلبي
وصمودي مش أنكساري

ليه تبقوا سهم ف قلبي
بدل ما تبقوا دروعي
برضاكم هارضي ربي
خليكو مره ف طوعي


أتشبهت ياما
ببنات وممثلين
خلوني مره أتشبه
بأم المؤمنين

مش ضامنه عمري ساعه
أوحتي ثانيتين
خلوني أعيشه ف طاعه
خلوني أعيش الدين[center]

صح لسانك ياأبومحمد
ومتغيبش علينا كتر
الله يخليك ممكن قصيده وطنيه علشان وحشتني مصر خالص
شكرا

أول حاجه أحب أشكرك كتر ياأبو محمد علي سرعة أستجابتك وأقول لك ما يأمر عليك ظالم بارك الله فيكم كلكم وانتم أي منورين المنتدي
الله يحرصكم

منور المنتدي يا شريف ... فين من زمان