بتحبوا مصر

بتحبوا مصر


أد كده بتحبوا بلدكو
و عشانها ضحيتوا بحياتكو
أد كده صبركو و جلدكو
أد كده بتحبوا مصر
*********
أد كده بتخافوا عليها
و عشان كده كلكو حواليها
ده انتو شبابها اللي بيحميها
أد كده بتحبوا مصر
*********
ده شبابك جايين يتحدوا
و شوفوهم ملايين يتعدوا
ناويين فوق الصعب يعدوا
أد كده بيحبوا مصر
**********
حالفين ليحققوا أحلامك
و يعرّفوا للدنيا مقامك
وحدة انجيلك و اسلامك
ف حب مصر
*********
شبابك ف العين يصونوكي
هيحاسبوا كل اللي هانوكي
بايديهم راجعين يبنوكي
أد كده بيحبوا مصر
*********
ح نعمّر مصرنا بايدينا
هي بلدنا و غالية علينا
مصر حياتنا و كل مالينا
أد كده بنحب مصر



كلمات : أشرف السيد

تسلم ياشاعر القصير كلها