عمري ليكي

كل فرحة عاشها قلبي

لسه بتفكرني بيكي

كل بسمة بتروي حبي

و الحنان اللي ف عنيكي

مهما أداري و لا أخبي

ألقي شوقي يحن ليكي

***********

كل ضحكة جميلة حلوة

كل لحن … و كل غنوة

لسه بيفكرني بيكي

و ألقي نظرة حب دافية

زي نور الفجر صافية

يا اللي عمري وهبته ليكي

***********

كل ليلة سهرت فيها

النجوم تشهد عليا

حتي أحلامي انتي فيها

زي شمس المغربية

انتي أيامي اللي فاتت

و انتي أيامي اللي جاية

حلوة وياكي …. و بيكي

يا اللي عمري وهبته ليكي

***********

كل فرحة عاشها قلبي

لسه بتفكرني بيكي

كل بسمة بتروي حبي

و الحنان اللي ف عنيكي

مهما أداري و لا أخبي

ألقي شوقي يحن ليكي

*********

كل نسمة شوق رقيقة

بعد ثانية أو دقيقة

يصحي جوايا الحنين

اللي دايب من سنين

يعشقك وهم و حقيقة

يا اللي عمري وهبته ليكي

*********

لسه حبك فيا ساكن

مهما غيرنا الأماكن

مش هنقدر ع البعاد

تطوي خطوينا بلاد

انتي عمري …

… و روحي فيكي

يا اللي عمري وهبته ليكي

*********

كل فرحة عاشها قلبي

لسه بتفكرني بيكي

كل بسمة بتروي حبي

و الحنان اللي ف عنيكي

مهما أداري و لا أخبي

ألقي شوقي يحن ليكي


********

كل احساسي و مشاعري

كل رسمي و كل شعري

ضي حبي اللي ف حياتك

و ف كلامك و ف سكاتك

كنت أول ذكرياتك

و اني اخرأمنياتك

و ان عمري وهبته ليكي

*********

كل نجماية ف كوني

و الحنين اللي ف عيوني

لسه بيشاور عليكي

يوعدك اني شاريكي

يا اللي عمري وهبته ليكي


***********

كل فرحة عاشها قلبي

لسه بتفكرني بيكي

كل بسمة بتروي حبي

م الحنان اللي ف عنيكي

مهما أداري و لا أخبي

ألقي شوقي يحن ليكي

يا اللي عمري وهبته ليكي


كلمات :

أشرف السيد

شكرا عماد ...... و الجديد قريبا ان شاء الله

شكرا للجميع

هايل يااشرف