يا فســـــــــــــــــــــاد

من طرف **عماد الدين** الجمعة 30 يوليو 2010, 6:36 pm

إنت عارف يا فساد
إنك غبى..
آه والنبى..
عارف ليه..؟
عشان أنا ضعيف أوى
ومتكسر أوى
وساكت.. وراضى
وباعيش مطرح ما بتحطنى..
تبقى العساكر دى كلها
مصاريف ع الفاضى
وملوش لزوم بقى كل شوية
تقولى عووو... وتخضنى..
ومادام انت قادر
تشترى صوت الغلابة
بتزور ليه بقى الانتخابات وتخمنى
شفت أنا صريح معاك إزاى يا فساد
مع إنك طول عمرك تغشنى..
إنت عارف يا فساد..
إنك مفجوع وكرشك كبير ودنى..
تخطف من إيدى اللقمة
وتجرى
وقال إيه
تحلف إنك بتحبنى..
مش عارف ليه يا فساد
كل ما أفرد دراعى
عشان اقتلك
يرتعش..
ويرجع تانى.. يتنى
يا جاهل
لم إيدك شوية ف المصاريف..
ماعدش حيلتى حاجة تتسرق
ما إنت عارف كل حاجة
مش إنت اللى سرقتنى..
ده إنت غبى بجد..

من طرف **المدير العام** السبت 31 يوليو 2010, 4:42 am

آه يا فســـــــــــاد
حطمت حلم الولاد
بقينا لا لاقين ميه و لا زاد
وعـجـبــــــــــى
شـكـــــــــرا يا عمـــــــــــــــاد

من طرف **عماد الدين** السبت 31 يوليو 2010, 3:30 pm

اه يا عمر
بدأتها بفساد ونهيتها ب عماد
مشكور

من طرف **المدير العام** السبت 31 يوليو 2010, 5:46 pm

ههههههههههه
مش قصدى يا باشا

من طرف **عماد الدين** السبت 31 يوليو 2010, 6:18 pm

ولا يهمك يا زعيم انا بهرج
ههههههههههههههههههههه

يا فســـــــــــــــــــــاد

يا فســـــــــــــــــــــاد

رد: يا فســـــــــــــــــــــاد

رد: يا فســـــــــــــــــــــاد

رد: يا فســـــــــــــــــــــاد

رد: يا فســـــــــــــــــــــاد