الفرق بين كمبيوتر الولد وكمبيوتر البنت

من طرف **حنينى انا** الخميس 27 مايو 2010, 12:52 am

اولا السلام عليكم جميعا
ثانيا ارجو الشباب ما
يزعلوش
اولا جهاز البنت

من النظرة
الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او
عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع
ورقة وتلاقى كرسيها نضيف وسليم وشكلة حلو ومحطوط بشكل صحيحا مام المكتب
تفتح
الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او
صورة بنت جميلة او وردة

تقلب فى الملفات تلاقى اسماء الملفات عندها جميلة
زى

صور اطفال
صور فساتين
صور موضة
افلام رومانسية
اغانى
عاطفية

تفتح الهيستورى بتاع الجهاز تلاقيها كانت مشغلة حجات زى

فيلم
تيتانيك
مواقع نكت
مواقع موضة
قهوة كتكوت
اغنية تملى معاك
اغنية
بهواكتفتح الميل بتاعها تلاقيها حاطة نك نيم رقيق زى

بنوتة
شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن
تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز
تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى
مشغلاها حاجة حاجة وبعدين تدوس شت دوان وتسمع نغمة رقيقة
والجهاز
بيقفل

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش
على اجهزة التماسيح

من النظرة الاولى للجهاز ووضعه من بعيد تحس انك داخل على
حاجة شبة التوكتوك الى عامل حادثة ومطلعينه من ترعة
تلاقى الكيسه مفتح من كل
ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن
تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك
بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد
تلاقى متوصل معاهم خرطوم ميةوتلاقى باب السى دى مفتوح من غير اى داعى بالرغم من انك
تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها
اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات
سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار
الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى
او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول
بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم
فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت
كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز
تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو
ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة
مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم
غريب

تدخل تقلب فى الملفات تلاقى اسماء الملفات غريبة
وعجيبة

حشحش
دحدح
بتنجانة
صور معيز
صور
حوادث
مصارعة

و 70% من الملفات هتلاقيها تحت سلسلة اسماء

New
Folde11
New Folde12
New Folde13
New Folde14
الى ما لا
نهاية

تفتح الهيستورى بتاعه تلاقى اخر حجات شغلها زى

ساو
3
ديد سيلنت
اغنية البلح البلح
صور مصارعين
كليب بوس الواوا
اسماء
مواقع تخاف اصلا تخشها
نكت محششين

تفتح الميل بتاعه تلاقيه حاطط نك نيم
يرعب البنات

الشيطان 10
البجح
سفاح
المعيز
المحشش
كمبورة
عاشق الموت

لو دققت فى تاريخ تسطيب الويندوز
ممكن تلاقيه مسطبها قبل متيجى بساعتين

طبعا ريحه الجهاز هتلاقيها شبة متور
العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد
الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر
شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا
بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس
ان قطار معدى عليها ومفرومه

مواقف كوميدية
منقول من المنتدى الشقيق رأس غارب[ندعوك للتسجيل في المنتدى أو التعريف بنفسك لمعاينة هذه الصورة]

من طرف **المدير العام** الخميس 27 مايو 2010, 8:26 am

ردا على كل ماسبق من ادعاءات كاذبة على كمبيوتر الشباب
اللى بيجمع او يصنع الكمبيوتر هم الشباب و عمرنا ما سمعنا على بنت مثلا جمعت كمبيوتر أو صلحت كمبيوتر أو حتى صطبت نسخة بنفسها للكمبيوتر بتاعها
يكفى هذااااااااااا
وانها الحرب انتظروا ردا رادعا على هذه الاكاذيب

من طرف **سمكة القصير** الخميس 27 مايو 2010, 11:05 am

انها ليست اكاذيب دي حقيقة بعض الاولاد بيصنعو الكومبيوتر اما البعض الاخر فانه يبيد ماصنعه الاولين
ماتنكرش يامدير واعترف lol!

من طرف **المدير العام** الخميس 27 مايو 2010, 2:23 pm

لالالالالالالالالالالالالالالالالالالالالالالا
بالعكس اللى بينسف مجهود الشباب الجبار البنات

الفرق بين كمبيوتر الولد وكمبيوتر البنت

الفرق بين كمبيوتر الولد وكمبيوتر البنت

رد: الفرق بين كمبيوتر الولد وكمبيوتر البنت

رد: الفرق بين كمبيوتر الولد وكمبيوتر البنت

رد: الفرق بين كمبيوتر الولد وكمبيوتر البنت