انواع الرجال على النت

أنت يا راجل يا خويا أي واحد من دوول؟؟

ا



في (اللى يدوبك لسه متعلم يدخل النت

)وتلاقيه اول ما يدخل:::::هاى:::::ممكن نتعرف انا فلان ومن الحته الفلانيه
وتحسي ان فى حنفيه معلومات اتفتحت واى حاجه تقوليها يقولك::: مش فاهم:::
وبعد كل كلمه يقولك:::: اصل انا لسه جديد فى النت::::

..والنوعيه دى تنقسم لقسمين::
1-يا اما متحمس وحاطط فى دماغه موضوع النت وعايز يتعلم
2-يا اما سمع من صحابه عن النت والبنات وجاى يجرب حظه






***و فيه (اللى بيقعد على النت بس مش كتير)

)النوع ده كل كلامه ::::انا مشغولياتى كتير ومبحبش النت والكلام ده::::
وبعد ما يتكلم شويه يقولك:::: ممكن نكمل كلامنا فى التليفون::::
انا اصلى مبدخلش النت كتير ومليش خلق للكتابه والحاجات دى

..والنوعيه دى تنقسم لقسمين::
1-يا اما يبقى لحلوح ويفضل يطلب نفس الطلب وصباح الملل
2-يا اما يبقى عنده عزه نفس وهيتعصب ويقولك اعمليلى بلوك




***و فيهم (اللى قاعد على النت ليل نهار)

)وده بقى يطول شرحه

والنوعيه دى تنقسم لعده انواع

1-المقموص......... وده بقى قاعد وحاطط ايده على زرار الزعل اى حاجه بتقوليها يبقى بتقصديه
او بتقللى من شأنه وبعد كام مره كلام ممكن يقولك::: ادينى نمره تليفونك::: ولما تعتذرى
هيقولك :::انا هحترم رغبتك::: وهيركبلك الوش الخشب ومن وقت للتانى هاتخدى البلوك فى وشك
فا نصيحه من اولها كده بلوك وديليت

2-ابو دم خفيف.....ده بقى شلل مركزى ومتعرفيش مين اللى خدعه وقاله ان دمه خفيف
وكل كلامه ضحك وقفشات والمفروض انك تكونى مجامله وتضحكى بس منصحكيش تيجى على اعصابك

3-المودى........... وده بقى شخصيه بتتنوع كل يوم على حسب المود وهتحسى انك بتكلمى عنده انفصام
فى الشخصيه ..النهارده رزين وعاقل وبكره لاسع وبعد يومين رخم وبعدها كيوت وفريندلى طبعا الحكايه مش
ناقصه جنان كفايه اللى الواحد فيه

4-اللزقه............والنوع ده عايز حزم فى التعامل معاه لأن كل كلامه 00انت فين؟00بتتأخرى فى الرد ليه؟00
انتى بتكلمى حد؟00 يا عم وانت ايه اللى حشرك ولو قوتيله ثوانى هيقولك00رايحه فين؟00متتأخريش00
ايه ده انتى لسه مجتيش؟
هيه ربنا يذكرك بالخير يالي في بالي ## ##
5- الناصح..........صباح الصداع مع كل جمله هتقوليها هاتخدى نصيحه وفيه عرض خاص
قولى جملتين وخدى اربع نصايح ..العرض مستمر حتى نفاذ الكميه..ولو بقى كنتى على منتدى
هيقوليك::: ليه حطيتى التوبيك ده وشلتى الصوره دى ليه وحطيتى التانيه ليه ::::
انا انصحك انك تخليه يحصل اخواته اللى فاتوا يعنى بلوك وديليت

6-الحبيب........حيقلك
انا فيا جاذبيه وكل البنات بتعجب بيا ....ا.يام ما كنت فى الكليه
كنت عامل ازمه والبنات بتتخانق عليا
المصيبه بقى ان اى جمله هتقوليها هيفكر انك معجبه بيه اصله مش بمزاجكك هتحبيه هتحبيه

7-حريقه بنات.....ده بقى لو فى منتدى او ميل جروب تلاقيه مركز على البنات ومبيعملش حاجه تانيه
غير كده الكوميدى بقى لما يتلخبط ويعتقد ان الأسم ده انثوى ويندمج وبعدين يطلع واحد صاحبه

8- الكداب.........من اول الأسم و السن وكل معلومه خدتيها كدب فى كدب ومتعرفيش ده ليه بقى
انصحيه وخليه يغير اسمه على الماسنجر ويخليه مسيلمه الكذاب

9- العبيط........وده هتلاقيه على طول حاطط صورته وذنب عليكى تتفرجى ويشيل الصوره دى ويحط تانيه
وكل شويه يفتح الكاميرا مع نفسه

10-بابا اوبح..........
ده بقى ممكن يكون على النت من سنه 96واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحده يقنعها انه مش متجوز وبيدور على عروسه وصباح السرحان ولو جربتى كل يوم تدخلى بايميل جديد غير التانى هتسمعى قصه حياته كل يوم مختلفة.

علشان تعرف يا مدير انك متحيز للرجال

وانا كمان بظهرك نوعيات الرجال بس ياترى
انت بتاميل لاى نوع من الشخصيات دى بدون زعل