مـنـتـديـات الـقـصـيـر الـبـحـر الأحـمــر




عزيزي الزائر king

عزيزتي الزائرة queen

يرجي التكرم بتسجيل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة المنتدي

سنتشرف بتسجيلك

شـكــرا flower

إدارة الـمـنـتــدى farao

ذكريات المرحلة الابتدائية

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

ذكريات المرحلة الابتدائية

مُساهمة من طرف عبدالناصر النقراشى في الجمعة 07 يناير 2011, 11:10 pm

تذكير بمساهمة فاتح الموضوع :

أنا عبدالناصر النقراشى على من مواليد الخطارة بمحافظة قنا كان والدى يعمل بشركة الحمراوين للفوسفات فقدمت الى القصير معه فى سن الرابعه ..
لكن لماذا اخترت الحديث عن المرحلة الابتدائية .. إنها اول المراحل التى يبدأ الطفل فيها بالخروج من المنزل لساعات طويلة كذلك هى المرحلة التى يبدأ فيها الطفل فى تكوين صداقات من خارج بيئة المنزل والارتباط بشخص كبير غير والده هو المعلم وسيدة غير والدته هى المعلمة ثم انها المرحلة الطويلة فى مراحل التعليم (ست سنوات) وهى الاثبت فى الذاكرة.
يمكننا فى هذا الموضوع الحديث عن اساتذتنا ونظارالمدرسة والزملاء والمواقف الطريفة التى مرت بنا والمناهج ( وهنا أشكر زميلى فى المنتدى الذى تفضل بنشر صورة كتاب القراءة للصف الأول من 30 سنة )
عموما أبدأ الدعوة الان لزملائى للمشاركة فأنا دخلت المدرسة فى السادسة من عمرى عام 1979 كما هو الحال مع مواليد 1973 ليس معنى ذلك أن الموضوع مقتصر علينا فقط بل يمكن لكل واحد أن يدخل للموضوع ليتحدث عن طفولته وتكون فرصة عظيمة للتواصل فأنا مثلا كان عدد زملائى فى الصف الأول حوالى 35 تلميذ مازلت أذكر أكثر من 27 منهم بالأسم وأحيانا أساؤهم الرباعية فى المرة المشاركة القادة سأبدأ الحدبث عنهم بالاسم وبكل الخير ان شاء الله .... هيا نبدأ
avatar
عبدالناصر النقراشى



الرجوع الى أعلى الصفحة اذهب الى الأسفل


رد: ذكريات المرحلة الابتدائية

مُساهمة من طرف المدير العام في الثلاثاء 11 يناير 2011, 6:09 pm

الفتاة إتجوزت واحد كان شغال معايا فى نفس الفندق اللى كنت فيه و معاه طفل منه كمان

و بشوفها كتير معاه

بس

و إن شاء الله نكمل فى المساهمات الجاية حكايات عنها بس هتكون عابرة

و نستنى مساهمات من حد جديد غيرى بقى

المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف ابوالحسن عبدالعظيم في الأربعاء 12 يناير 2011, 10:57 pm

الله ينور عليك يا ابوعمر

ابوالحسن عبدالعظيم



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الخميس 13 يناير 2011, 9:42 pm

طيب يا سيدى اسمع دى ...
عندما كنت فى الصف السادس حدث ذات مرة أن كانت عندنا حصة للأستاذ حسين القرش وكانت الحصة الرابعه وتقريباً كان حيسمع لنا دين أو أناشيد كان المرحوم حسين القرش يعبط على ال... المهم كنا بنخاف منه وفى هذه الحصة كنت تعبان وأشعر بصداع . اتنين من زملائى استأذنوا وذهبوا للمستشفى ولد وبنت واستطاعوا الحصول على الاذن خلال الفسحة يعنى بالعربى كده نفدوا من الحصة وعند بدء الحصة دخل الاستاذ حسين وفكرت آخد منه الاذن فوقفت وكنت خايف جدا قالى مالك قلت له عايز أروح المستشفى مع ... ( اسم البنت وكانت جميلة جداً ) المهم الله يرحمه قالى بتقول ايه والله عال ؟ وظل ينظر لزملائ ويقول عايز يروح مع فلانة واستمر ينظر الى طوال الحصة ويكررها وانا أبكى حتى انتهت الحصة .. وده من المواقف التى لا أنساها ابدا

عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الجمعة 14 يناير 2011, 1:07 am

هههههههههههههههههههههههههههه

طيب إنت كنت تبكى ليه

علشان ما روحتش مع البنت ولا علشان معرفتش تهرب من الحصة؟؟؟؟؟؟؟؟



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الجمعة 14 يناير 2011, 1:32 pm

هههههههههههههههههه الاتنين
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الجمعة 14 يناير 2011, 4:46 pm

آآآآآآآآآآآه

يا خوفى يا بــــــدران



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف سمكة القصير في الجمعة 14 يناير 2011, 9:47 pm

السلام عليكماشمعنا انتو تحكو وانا لا

انا اسمي :اسماء صالح

المدرسة:معهد القصير الابتدائي الازهري
دخلت اولى ابتدائي سنة 1992
وكانت ايام غريبة كل مافتكرها افتكر الهبل كله
اول يوم رحت فيه المدرسة كان ابويا اللي موديني بس علشان المدرسة بعيدة جدا عن البيت  حوالي 3 كم
ماكنتش اعرف حد في المدرسة غير بنتين جيراني هما في سنة 3 وانا في سنة اولى قالولي ماتخافيش هانجيلك في الفسحة، انا مابكيتش زى بقية العيال وقولت عايزة ماما والحاجات دي ، لاني كنت متعودة على جو الفصل والغربة عن امي علشان كنت في حضانة من قسم الاطفال الرضع لحد مادخلت المدرسة الموضوع بالنسبالي كان عادي المهم اني قعدت في الدرج جنب بنت اسمها سعيدة وهي صاحبتي الانتيم دلوقتي والمفاجاءة ان سعيدة كانت معايا في الحضانة ، ابويا كان موصي عليا مدرس صاحبه قالو لو بكت روحهالي البيت بس انا مابكيتش ولا حاجة ورن جرس اول فسحة ليا في الدراسة...................>>>>>>>>>اكملكم بعدين 

avatar
سمكة القصير



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الجمعة 14 يناير 2011, 10:51 pm

اكمل لكم ذكرياتى فى سنة تانية


عدل سابقا من قبل عبدالناصر النقراشى في الجمعة 14 يناير 2011, 11:04 pm عدل 1 مرات
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الجمعة 14 يناير 2011, 11:00 pm

اكمل لكم ذكرياتى فى سنة تانية بعد أن تم ازالة آثار السيل عن المدرسة وترميمها عدنا لمواصلة الدراسة واستمرت الأيام على أجمل ما يكون المهم المدرسة قررت عمل حفلة كبيرة كانت فى الحفلة ديه مسرحية المسرحية تتحدث عن خيانة العهد قصتها أن رجل من المسلمين كان محكوم عليه بالقتل قصاصا لأنه قتل أحد الكفار فى المدينة ولما جاء ميعاد الحكم عليه طلب الرجل من سيدنا عمر ـ رضى الله عنه ـ أن يؤجل تنفيذ الحكم حتى يذهب لبلده لقضاء دين عليه ولما رفُض طلبه طلب من أحد الموجودين أن يضمنه وتعهد الرجل بتنفيذ الحكم عليه فى حال عدم عودة القاتل والما تأخر القاتل طلب أهل الكافر المقتول أن يأخذوا ثأرهم من الضامن وفجأة يعود القاتل ليتعجب الكفار من أمانة المسلمين فى عهودهم فيسامحوا القاتل ويعفوا عنه ويدخلوا الاسلام تخيلوا ماذا كان دورى فى المسرحية طبعاً عشان انا كنت فى سنة تانية ما ينفعش أقوم بدور كبير ولا قاتل ولا ضامن ، المهم خليت أبويا اشترى لى جلبية بيضه وعمه وطاقية ولبسونى شنب من القطن على فكرة كان ملتصق بالصمغ وكان مؤلم جداً فى نزعه بعد المسرحية وكان دورى أن أشتم القاتل عندما يتأخر فى العودة بكلمتين بس أقول ( إنه صعلوكٌ من صعاليك العرب ) وأتذكر فى هذه المسرحية أن أحد أبطالها كان زميل كبير عنا اسمه ( يوشع حسن ) كان دوره كبير وكان يلبس جلبية ومعاه سيف أحضره له والده الحاج حسن رحمه الله من السعودية الحاج حسن ده من ناس أبو سباق فى القصير كان تاجر تومين مشهور جدا وأمين ودمه خفيف وكان بارع فى العزف على السمسمية ومحبوب من كل الناس ودكانه خلف المسجد بجوار منزل الحاج شدول بالعوينة وأهى أيام ونعود بعد الفاصل
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في السبت 15 يناير 2011, 4:04 am

الله يرحم الحاج حسن

أنا فاكره كويس

أنا هكمل حكايتى بس بكرة بإذن الله

علشان الفجر بيأذن

هاصلى و أنام

ســـــــــــــــــــــلام



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف سمكة القصير في الأحد 16 يناير 2011, 12:15 am

.....ورن جرس الفسحة وطبعا انا كنت مستنية البنتين جيراني هالة وصفاء علشان يجولي الفصل ومطلعتش الا لما جم وطلعولي السندويتشات من الشنطة وقالوي كلى وطلعوني من الفصل وزهلت من كمية العيال اللي في المدرسة كانو زي النمل كتير جدا وطبعا انا كنت لاصقة في الحيطة بتاعت الفصل خايفة اروح كده ولا كده وعدي اول يوم في التعارف وتسكيت العيال اللي بتبكي وطلعنا بدري من الحصة الخامسة وطبعا هالة وصفاء كان عليهم 6 حصص فاضطريت استناهم علشان مش هاعرف ارجع البيت لوحدي وقعدت معاهم في الفصل وبعد كده طلعنا من المدرسة ورجعت البيت وعدي اول يوم في المدرسة>>>>>>

تاني يوم رحت مع صفاء وهالة المدرسة وانا معايا كراسات 9 سطور ومربعات وكراسة رسم وحاجات الاطفال وطبعا وقتها كنا بنكتب بالرصاص وكان مدرس العربي الاستاذ ناصر ابو الحجاج واخدنا أ ،ب الحروف الابجدية طبعا انا كنت بعرف اكتب علشان الحضانة بس كان خطى مش عاجبه كان يخليني امسح اللي كاتباه واعيد من تاني لما قطعت الصفحة من المسح بعدها لقيت خط سعيدة حلو قولتلها ممكن تكتبيلي الحروف انت خطك حلو وكتبتهم لي ورحنا نصحح الكراسات انا وهي مع بعض الاستاذ لقي الخطين واحد قالنا مين فيكم اللي كتبت للتانية طبعا سعيدة خافت تضرب قالتله انا اللي كتبتلها راح ضاربها عصايتين على ايدها وانا زيهم بعدها حرمت اخلي حد يكتبلي وروحت البيت وقولتلهم انا مش رايحة المدرسة تاني رجعوني للحضانة طبعا كان فات الاوان ملحوظة مهمة : انا ماتكلمتش عن اهم واحد في حياتي في المرحلة دي الشيخ منصور >>>>>>>>>>>>وهاكملكم بعدين
avatar
سمكة القصير



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الإثنين 17 يناير 2011, 1:19 am

نكمل دردشة مع بعض

خلصت حكاية البنت بالنسبة للمرحلة الإبتدائية

و لما نكبر و نروح الإعدادى هكملكم ايه اللى حصل

ههههههههههههههههه

نكمل المرحلة الابتدائية بقى

من الأحداث اللى أتذكرها برضه

إنى عملت تمثلية بالإشتراك مع شلة الثلاثى المرح و كان معانا ابنة الأتاذ ريع مدير مدرسة البنات الاعدادية فى هذا الوقت رحمه الله

و كان معانا زميلة لينا اسمها أمال

و كانت عبارة عن قصة بائعة اللبن اللى كانت مقررة علينا فى الوقت ده

و كان محمود محمد ( أخو الأبلة) بيقوم بدورعبد الله بن سيدنا عمر

و كان محمود صبحى يقوم بدور عبد الرحمن بن سيدنا عمر

و كنت أنا عاصم بن سيدنا عمر

و طبعا كانت البنت إياها اللى حكتليكم عليها بتقوم بسر الأحداث لأن مينفعش حد يقوم بدور سيدنا عمر

ذكريات جميلة و الله

و كانت التمثلية دى فى يوم مفتوح من أيام الدراسة

و طبعا كان فيها مسابقات أفكركم يها

يكاد أن تكون اختفت هذه الأيام

الكراسى الموسيقية

و لعبة البالونات اللى هى كانت بتتربط فى الرجل و كل واحد يحاول يفرقع بالونة التانى

و الجرى و لعب الكورة و و و .... حاجات كتير الواحد بيفتقدها دلوقتى

المهم اشتركت أنا فى لعبة البالونات و من المصادفة أن يكون أخويا الأكبر منى بسنة معايا فى نفس اللعبة

كنت أنا فى سنة تانية و هو فى سنة تالتة

و طبعا المثل بيقول

أنا و أخويا على ابن عمى و انا و ابن عمى على الغريب

طبعا مكناش نعرف المثل

و أول اتنين يدخلوا على بعض
هههههههههههه

كنت انا و أخويا و فرقعنا بالونات بعض فى نفس الوقت و طلعنا احنا الاتنين من المسابقة

ههههههههههههههههههه

شوفتوا بقى المثل بيكدب إزاى؟؟؟؟

مش بالذمة هُبل؟؟

ههههههههههههههههه


ما علينا

أسيبلكم مساحة تعرفونا أكتر على حياتكم فى المرحلة الابتدائية و أرجع أكملكم

ســــــــــــــــــلامــ لــســــــــــــه مــا خــلــصــش الــكــــــلامــ



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف سمكة القصير في الإثنين 17 يناير 2011, 11:05 pm

بااااااااااااااااااااااااااك>>>>>>>>ورجعت من تاني نكمل الذكريات الجميلة
الشيخ منصور ده كان الشيخ اللي بيحفظنا القرأن واحنا في سنة اولى كان راجل كبير حوالي 50 سنة كده كان طيب جدا بس كان شخصية قوية جدا انا حبيته واتعلقت بيه جدا كنت بحس انه جدي ،كان لما يحب تلميذ يزعق فيه ويضربه على اقل حاجة وطبعا انا كنت اكتر واحدة بضرب منه ،ماكنتش بعرف احفظ القران من حد غيره، في مرة اخد اجازة من المدرسة وادانا القران الشيخ حسين ،اثناء غياب الشيخ منصور انا ماحفظتش ولا ايه من الشيخ حسين على الرغم اني ساعتها كنت طفلة والمفروض اني معرفش افرق بين الناس الا اني كنت بحس باللي قدامي المهم اني عديت سنة اولي وتانية وتالتة وانا بروح المدرسة بس علشان الشيخ منصور بعدها الشيخ منصور ساب المدرسة وزعلت جدا جدا وكنت بروح المدرسة من غير نفس ،كنت كل يوم اقول لابويا انقلني من الازهر وديني عام كل يوم لحد ماوصلت سنة سادسة وفي سنتها رجع الشيخ منصور المدرسة وكان بيالف شعر ويقولو في الاذاعة وبقيت انا كمان االف شعر وهو يصححهولي واقوله في الاذاعة وحفظني بردة البوصيري الجزء الاول وابويا حفظني الجزء العاشر وبقيت شاعرة المدرسة وقتها ، بس دلوقتي بعيد عنكم مخي اتفرمت هههههههههههه

كان اصحابي الانتيم وقتها صفاء ومقبولة واسماء

كنت دايما بحب المنافسة في المذاكرة والفصل ومين الاول والتاني بس الغريبة اني ماكنتش بحب انافس البنات كنت احب ابقى اشطر من الصبيان مش من البنات وخصوصا ابن عمتي اللي كان معايا في الفصل وكان دايما يحب يحبطني ويقلل من دماغي وانا كنت كل مرة بفوز عليه


لما وصلنا سنة سادسة كنا اكبر فصل في المدرسة وكنا ماسكين الاذاعة المدرسية والالات الموسيقية بتاعت الطابور


>>>>>واكملكم بعدين
avatar
سمكة القصير



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف زيزو في الإثنين 17 يناير 2011, 11:17 pm

بجد والله اجمل ايام حياتى هى المرحله ده انا فاكر اول يوم فى المدرسه ابوية خدنى معاه
والمهم انا دخلت المدرسه انا وهو وسال النظره انا فى فصل اية راحت قلتله ابنك صغير لسه عشان انا موليد شهر نوفمبر فقلى روح البيت انت بعد مانا جبت الشنطة والمريلة كونت ماشى اعيط المهم ودونى الدرس عند الاستاز زكريا اعت عنده السنة ده
المهم السنة اللى بعدها رحت بس المرادى مع محمود اخوية
اول يوم مدرسه فكره اووووووى
اليوم ده كانت امى عماله سندوتشات بيض ومحدش يفتكر حاجة تانية انا عوز اعرفكم انى فاكر كل حاجة
المهم الموضوع الاهم
كان فية وده سكنه معيا فى العماره دخلت نفس الفصل المهم كونا احنا بنلعب مع بعض فى الشارع لما هى دخلت الفصل لقيت هى اعده مع بنات مش عرفاهم المهم اعدت طعيت وتقول للابلة فوزية انا عوزه اعد جمب زيزو المهم الابلة تقنع فيهاوهى مش رضية لغيط مسكتت وتنى يوم اول مبوها جية الابله سالته قلها انهم سكنين فى عمار وحده
avatar
زيزو



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الأربعاء 19 يناير 2011, 1:07 pm

رحم الله الاستاذ ربيع وكل من كان له فضل علينا الاستاذ ربيع ده انا فاكره كويس جدا على فكرة ربيع ده حسب ما قالوا لنا عليه الاساتذه انه كان من العباقرة فى الجامعه وتعرض للظلم لانه ما اتاخدش معيد وكان عبقرى فى مادته ولكنه كان شديد المرح والتسامح مع التلاميذ كان مدرس انجليزى فى مدرسة السلام الاعدادية ثم أصبح ناظر المدرسة اللى فى العدوة ابتدائى واعدادى وكمان اخته الابلة حمدية رحمها الله كانت مدرسة انجليزى وتوفيت أثناء عودتها من الاعارة فى السعودية تقريبا ولنا لقاء ان شاء الله
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في السبت 22 فبراير 2014, 12:49 am

لماذا توقفتم
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في السبت 22 فبراير 2014, 12:50 am

لماذا توقفتم عن استكمال الموضوع ؟
avatar
عبدالناصر النقراشى



الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى