مـنـتـديـات الـقـصـيـر الـبـحـر الأحـمــر




عزيزي الزائر king

عزيزتي الزائرة queen

يرجي التكرم بتسجيل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة المنتدي

سنتشرف بتسجيلك

شـكــرا flower

إدارة الـمـنـتــدى farao

ذكريات المرحلة الابتدائية

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

ذكريات المرحلة الابتدائية

مُساهمة من طرف عبدالناصر النقراشى في الجمعة 07 يناير 2011, 11:10 pm

أنا عبدالناصر النقراشى على من مواليد الخطارة بمحافظة قنا كان والدى يعمل بشركة الحمراوين للفوسفات فقدمت الى القصير معه فى سن الرابعه ..
لكن لماذا اخترت الحديث عن المرحلة الابتدائية .. إنها اول المراحل التى يبدأ الطفل فيها بالخروج من المنزل لساعات طويلة كذلك هى المرحلة التى يبدأ فيها الطفل فى تكوين صداقات من خارج بيئة المنزل والارتباط بشخص كبير غير والده هو المعلم وسيدة غير والدته هى المعلمة ثم انها المرحلة الطويلة فى مراحل التعليم (ست سنوات) وهى الاثبت فى الذاكرة.
يمكننا فى هذا الموضوع الحديث عن اساتذتنا ونظارالمدرسة والزملاء والمواقف الطريفة التى مرت بنا والمناهج ( وهنا أشكر زميلى فى المنتدى الذى تفضل بنشر صورة كتاب القراءة للصف الأول من 30 سنة )
عموما أبدأ الدعوة الان لزملائى للمشاركة فأنا دخلت المدرسة فى السادسة من عمرى عام 1979 كما هو الحال مع مواليد 1973 ليس معنى ذلك أن الموضوع مقتصر علينا فقط بل يمكن لكل واحد أن يدخل للموضوع ليتحدث عن طفولته وتكون فرصة عظيمة للتواصل فأنا مثلا كان عدد زملائى فى الصف الأول حوالى 35 تلميذ مازلت أذكر أكثر من 27 منهم بالأسم وأحيانا أساؤهم الرباعية فى المرة المشاركة القادة سأبدأ الحدبث عنهم بالاسم وبكل الخير ان شاء الله .... هيا نبدأ
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في السبت 08 يناير 2011, 1:53 am

موضوع جميل جدا يا عبد الناصر

ذكريات المرحلة الابتدائية طبعا لا تُنسى

اسمى:- عمر عبد الله

دخلت المرحلة الابتدائية سنة 1988 م

و مدرستى هى الشهيد الصغير أحمد سباق الإبتدائية بالقصير بالتحديد فى العوينة

و أفتكر أول يوم روحت فيه المدرسة و اللى كان مودينى المدرسة أبويا

و شفت ب قى التلاميذ وشوش جديدة عليا أول مرة أشوفها اللى بيبكى و اللى فرحان و اللى بيبص حواليه زىّ أنا

ناس كتير

و نكمل بقى لما نشوف حد تانى من الأعضاء



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في السبت 08 يناير 2011, 5:21 am

اليوم الأول لى لا أنساه أبداً فقد أصطحبنى إلى المدرسة زوج عمتى نورالدين رحمه الله لأن والدى كان فى عمله (اكتشفت بعد ذلك أن والدى لا يتحمل مواقف بكاء الأطفال ) المهم بعد دخول الفصل بكيت فعلا بشدة وتعللت بالذهاب لقضاء الحاجة فى الحمام وعندما رجعت للفصل اكتشفت أننى سأجلس بجوار اثنين من العتاولة ترى من هم ؟ بستكمل فى لقاء آخر إن شاء الله............
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عطر الياسمين في السبت 08 يناير 2011, 11:19 am

موضوعك رائع يا عبد الناصر

فعلا احلى مراحله هى الابتدائيه بنكون فيها على طبيعتنا

ولا نعرف كذب ولا نفاق وكنا بنلعب فيها العاب حلاوه خالص

واول يوم دارسه لى ولدتى اللى ودتنى المدرسه وفضلت عند باب المدرسه
لحد اليوم ما خالص وروحت معها علشان كنت ببكى كتير وكانت بتخاف عليا

ربنا يشفيها لى ويديها الصحه

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
avatar
عطر الياسمين



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في السبت 08 يناير 2011, 12:36 pm

اللهم اشفها شفاءً لا يغادر سقماً
أستكمل معكم ذكرياتى عندما دخلت الفصل لأول مرة وجدت نفسى بجوار اثنين هما : المعلم رجب عبده خليل والمعلم سيد محمد حسن صاحب أفران الخبز المشهور وقد كنت أشعر من ناحيتهما بشئ من التآمر فقد كانا جارين وكانا منذ صغرهما يحبان زعامة المعلمين وكان سيد ـ ما شاء الله ـ يتميز بجسم قوى ربنا يعطيه الصحة يا رب على فكرة انا ماولت أتواصل مع سيد لكن رجب منذ أكثر من عشرين عاما لم أره أسأل الله تعالى أن يكونا بخير أما المعلمة فكانت الأبلة سعاد وهى تنتمى لأسرة آل سباق العريقة المحترمة واستمرت الأيام ولكن حدث ما لم يكن فى الحسبان .... ترى ماذا حدث ؟ ,,,,,,,,,,,,,,>>>>>>>>>
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في السبت 08 يناير 2011, 12:48 pm

فى المرة القادة نستكمل معا المشوار ان شاء الله
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في السبت 08 يناير 2011, 3:41 pm


نكمل أول يوم دراسة

بعد المنظر اللى وصفته ليكم ضرب الجرس و لقيت أبويا بيمشى و يسبنى بس مش بكيت

وقفت عادى مذهول بالحياة الجديدة و طبعا عقل الطفل اشتغل معايا يا ترى ايه اللى مستخبى

و هل ممكن أمى تيجى تطمن عليا و كده

و أثناء ده كله وقعت عينى على تلميذ اللى لفت انتباهى ليه انه لابس نضارة و كان فى اعتقادى إن النضارة مش بيلبسها غير الكبار بس. و كمان كان مختلف على الكل

إزاى بقى طبعا معظمنا كان من الصعيد و اللى ساكن فى القصير بشرته يا إما سمرة يا إما خمرية

الواد ده كان أبيض لدرجة أنك ممكن تشوف الدم ماشى فى جسمه

ههههههههههههههههه

كانت حاجة جديدة عليا طبعا

هنعرف قصة الولد ده فيما بعد


كانت بالنسبة رحلة شيقة و مخيفة فى نفس الوقت

و كان معايا أخويا الذى يكبرنى بسنة فكان مدينى نوع من الطمأنينة

دق جرس الطابور و أخويا سبنى و راح لصف سنة تانية و أنا قعدت ابصله بقوله بعينة متسبنيش

المهم الطابور خلص و دخلنا الفصول

كل واحد قعد فى مكان و لأنى معرفش حد قعدت لوحدى بالتحديد فى الصف الأيمن الدرج قبل الأخير

دخلت الأبلة و عرفتنا على نفسها و كان اسمها مديحة

و كان أخوها معانا فى الفصل اسمه محمود محمد

المهم و هى لسه بتتعرف على أسامينا دخل تلميذ مع جده بيبكى بطريقة تضحك و فى نفس الوقت يصعب عليك

و كان التلميذ ده أول جليس ليا فى حياتى الدراسية

مين التلميذ ده بقى

هو ده اللى هنعرفه فى المساهمات القادمة بإذن الله

و محدش يتوقع أنه الواد الأبيضانى اللى قلتلكم عليه فى الأول

ده واحد تانى خالص



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الأحد 09 يناير 2011, 12:47 am

بالنسبة لرجب وسيد اكتشفت فيما بعد انهما ملائكة بالنسبة لفتوة اسمه عبداللطيف سيد جابر المهم الذى حدث ولم يكن فى الحسبان هو أن القصير تعرضت للسيل عام 1980 مما أدى لغرق منطقة العوينة بالكامل خصوصا الوادى والجرف وكذلك غرقت المدرسة فانتقلنا للدراسة فى مدرسة الشيخ عطا لباقى العام الدراسى الاول على فكرة أنا مازلت أتذكر الأبلة مديحة أتذكر أيضا من إدارة المدرسة والمدرسين فى منتصف الثمانينات :
مديرة المدرسة وكانت سيدة كبيرة فى السن تلقب بالحاجة لكن لا أتذكر الاسم لكن ربما الحاجة حمدية ثم الأبلة سعاد ولأبلة رجاء والأبلة عديلة والابلة مديحة والحاج عبدالفتاح الصايغ والأستاذ شاذلى والمرحوم حسين القرش ولى معه قصص جميلة سنعرج عليها فيما بعد والاستاذ محمود عبدالرحيم والاستاذ عبدالراضى مدرس الرسم والأبلة ليلى السكرتيرة والاستاذ محمد حسان السكرتير وهو أخو مطرب السمسية المشهور آنذاك صابر حسانومن الذين لا أنساهم أبداً الاستاذ على حسن وكان
فراش المدرسة عمى قاعود والد الاستاذة ليلى قاعود مدرسة الالعاب كذلك كان هناك الابلة جمالات والاستاذ جمال عبده والاستاذ أبو بكر والحاج عفيفى مدرس العلوم والاستاذ عبده مدرس المواد الاجتماعية
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الأحد 09 يناير 2011, 12:59 pm

BACK---------->

و نكمل مع بعض أول يوم دراسى فى حياتى

كنا وقفنا على التلميذ اللى كان جايبه جده بيبكى و قعد جنبى

طبعا ده صاحبى لحد النهاردة بس بنتقابل على فترات بعيدة

و كان اسمه أحمد رفاعى و كان أول جليس ليا فى درج واحد

كان عدد فصلنا 38 تلميذ و تلميذة

و كنا فى فصل 1/3

طبعا المدرسين و المدرسات كانوا كتير و هنتعرف عليهم كل واحد على حسب المرحلة العمرية اللى مريت بيها

زى ما عرفنا كانت الأبلة مديحة مدرسة اللغة العربية و الدين

و كان الأستاذ ممدوح القرش مدرس الحساب كانوا اسمه حساب طبعا مش رياضيات فى وقتها بالنسبة لعقل التلاميذ

و كان الأستاذ نصر عبادى مدرس الدراسات الاجتماعية

و كان مدير المدرسة آن ذاك الاستاذ مراد الصايغ

و كان فى شخصيات كتير فى سنة أولى غايبة عن ذهنى الآن

و ابتدينا التلاميذ نتعرف على بعض أكتر و أكتر

و خلص اليوم فى التعارف

نيجى للحصل بعــد كـــده

اتنونى عشــــان تعرفوا قصة المرحلة الابتدائية


Arrow I WILL BACK----------->

WAIT ME



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عماد الدين في الأحد 09 يناير 2011, 2:15 pm

والله موضوع جميل
بس انا اول ذكر لى كانت من 3 ابتدائى كده
وبخصوص الصف الاول كان طشاش اصلى ذاكرتى ضعيفه شوية
وكمان كنت بنضرب من المدرسين كتير
تقدروا تقولوا مخى تـ...... شويتين
افتكر فى سنه اولى فى حصة الدين كان عندنا سوره لازم نحفظها وجه الدور عليا فى التسميع
فمكنتش حافظ الاستاذ يقلى سمع اقله حافظ ( قل هو الله احد ...............)
يقول لى لا سمع السوره
ويضربنى
هه ايـــــــــــــــــــــــــــــــــــــــــــام


[ندعوك للتسجيل في المنتدى أو التعريف بنفسك لمعاينة هذه الصورة]
avatar
عماد الدين



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الأحد 09 يناير 2011, 5:22 pm

على فكرة الضرب كان ممنوع برضه زمان لاكن المدرس كان حريص جدا على أن نتيجة عمله تظهر بأى وسيلة أذكر مرة من المرات زارتنا لجنة من المديرية وكانت الأبلة رجاء تقوم بالتدريس لنا فى الصف الثالث وقد أخفت العصاية معى وعندما زارنا الموجه أخذ يسأل ويهزر وفجأة قال فين العصاياااااا قلت اهه والحمد لله لم بنتبه ومرت الحكاية بسلام أذكرأيضاً الأستاذ شاذلى كان معه عصايا تشبه عصاية قيادة الخيل ملفوفة ببلستر أسود وفى نهايتها مقبض غيار عربية و بالرغم الضرب الذى كنا نتعرض له لاكن والله العظيم أنا مازلت أعتبر هؤلاء المعلمين بمثابة الصحابة فى حياتى لا أقبل أن أسمع عنهم أى سوء أو يسبهم أحد تقبلهم الله جميعا لولاهم بعد فضل الله علينا لما كنا الان على صفحات هذا المنتدى وأيضا كان أهلنا طيبون فمن يقبل الآن أن يضرب ولده أو يعبط فى المرات القادمة ان شاء الله سأحدثكم عن اليوم الدراسى من بدايته وعن السيل الذى اجتاح القصير عام 1980 وعن الاستاذ حسين القرش واسماء بعض الزملاء يا ريت تنشروا الموضوع بينهم لنتواصل فأنا تركت القصير من 20 عاماً وعلى الرغم من ذلك مازلت أذكرهم وأتصل بهم من الحين للآخر يا ريت تبلغوهم وإلى لقاء آخر
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف شريف محمد في الأحد 09 يناير 2011, 6:53 pm

السلام عليوكوم يا عرب
ايه الموضيع الجباره دى يا عم عبد الناصر
والهى ايام جميله جدن جدا مشى فاكر منها حاجه خالص
اللى الابله رجأ والاستاذ اسماعيل والابه فلانه والاستاذ فلان
اما موقفى انا كان فى الصف الاول الابتدائى
كانت مدرسة الفصل كانت مدرسه جميله جدا وحلوه
رحت اول يوم الدراسه وبعد منتهايت من الحصص روحت البيت ووجد عمى عندنا
فقال لى تعالى يا شريف
قال لى مين المدرس اللى بيديك فى المدرسه
قلت ليه ده مش مدرس دى مدرسه

قال لى اسمها ايه قلتلو اسمها فسيكه قال لى اسمها ايه قلتلو بقول لك اسمها فسيكه لغايت الان مسكنها عليه ومش قدرين ينسو كل العيله
وبعدين
قال لى حلوه
قلت لهو قمر اربعتاشر
قال لى لما تروح بكره قلها عمى عايذ يجوزك
مكدبتش خبر
ثانى يوم رحت المدرسه وقلتلها يا ابله عمى عايز يجوزك فاعتنى علقه تمام لم انساها حتى الان

ايام يله
------------------------------------------------------------------------------------------
-----------------
---


من السهل ان تنسى من اضحكك ولكن من الصعب ان تنسى من ابكاك [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]
avatar
شريف محمد



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الأحد 09 يناير 2011, 9:40 pm

يا عم انت تلميذ ولا شغال خاطبة هههههههههه عموما بارك الله فيك يا عم شريف انا والله سعيد جداً بالانضمام لمنتداكم لأنكم انتم السبب فى ايقاظ هذه الذكريات الجميلة عندى وان شاء الله نواصل ونتواصل
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف شريف محمد في الأحد 09 يناير 2011, 10:11 pm

[ندعوك للتسجيل في المنتدى أو التعريف بنفسك لمعاينة هذا الرابط]
اهو ده بق حالى من بعد العلقه للعظه فقط علشان محدش يعمل ذيى ويعمل (؟؟؟)


يخوفى يابدران احسن اشوف منك اكتر من كده
هههههههههههههههههههههههههههههههه
سعدنا بمشركتك معنا ندعى من الله ان يوفقك الله فيما يرضاه
بالتوتوفيق ان شىء الله معنا


********************************
****************
*****************
***


من السهل ان تنسى من اضحكك ولكن من الصعب ان تنسى من ابكاك [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]
avatar
شريف محمد



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الإثنين 10 يناير 2011, 9:46 am

هههههههههههههههههههههههه

حلوة يا عم شريف

رايح تخطب لعمك

أهو دبسك يا معلم



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الإثنين 10 يناير 2011, 9:54 am

أكمل بقى معاكم حاجات متفرقة من المرحلة الابتدائية لأنى لا أذكر تسلسلها بالظبط

كان برضه من ضمن المدرسات الأبلة رجاء اللى ذكرها عبد الناصر و كان كمان الاستاذ شعبان مدرس لغة عربية

يــــــــــــــاه ذكريات

المهم تانى يوم ابتديت أتعرف على تلاميذ كتير و كان أهم واحد عايز أتعرف عليه و أضرب معاه صحوبية

أخو الأبلة

طبعا أكيد هينفع

ده كان فى اعتقادى
ابليس مش سايبنا حتى و احنا أطفال
هههههههههه


المهم حصل و اتعرفت عليه و كان اسمه محمود

و اتعرفت كمان على اللى جنبه و كان اسمه برضه محمود صبحى

و بالصدفة يطلع بلدياتى يعنى من الخطارة

أساسا أصلى خطارى

وو كمان من الصدفة يطلع والده صاحب والدى

شفت الصدف

و بقينا احنا التلاتة فى درج واحد قدام السبورة بالتحديد الدرج الأول فى النص

و بقينا احنا التلاتة ثلاثى لا يتفرق

و كانوا المدرسين يقولوا علينا الثلاثى المرح


ما علينا كنا و الحمد لله متميزين فى الفصل

و كنا نجاوب على أى سؤال

و عشنا أحلى أيام فى المرحلة دى

اللى هى أولى ابتدائى

كنت زمان بتابع التلفزيون و الأفلام

لكن تعتقدوا تلميذ فى أولى ابتدائى ممكن يحب؟؟؟؟؟؟


هو ده اللى هحكى عليه المساهمة الجاية


انتظرونى



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الإثنين 10 يناير 2011, 1:37 pm

على فكرة انا من الخطارة محمود صبحى ده اخو عصام صبحى و بيتهم تحت مزلقان العوينة الان وانا كمان علاقتى بيهم طيبة جدا شفت الذكريات بتقرب الناس ازاى
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الإثنين 10 يناير 2011, 2:36 pm

أنا قصدى على محمود صبحى جاد المولى

بس برضه أعرف محمود صبحى اللى إنت بتقول عليه و هو يعرفنى

و أخوه كمان صاحبى و مراة أخوه أحمد أنا أبقى فى مقام خالها

هى بنت بنت عمى



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عماد الدين في الإثنين 10 يناير 2011, 2:56 pm

يا خوفى لتطلع فى الاخر عمر النقراشى


[ندعوك للتسجيل في المنتدى أو التعريف بنفسك لمعاينة هذه الصورة]
avatar
عماد الدين



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الإثنين 10 يناير 2011, 4:58 pm

المهم نستكمل الرحلة ان شاء الله فى النهاية نطلع كلنا اخوات وده شئ جميل جدا عموما زمان كان اليوم الدراسى يبدأ فى تمام السابعة لأن المدرسة كانت متفقة مع الشيخ سالم وده راجل كان ساكن فى منطقة الشِعب أعلى العوينة وكان من حملة القرآن وكان شغال إمام تقريبا فى المسجد الموجود أما بيت الحاج شدول هذا الرجل كان كفيف لكنه كان يتمتع بنور البصيرة كان يمشى ويحس بالتلميذ الذى لا يقرأ فقد كانت المدرسة تجمع منا مبلغ من المال فى سبيل أن يقوم هذا الرجل بتحفيظنا القرآن وكان أشطر التلاميذ يكتب أسماء المتأخرين ليتم عقابهم بعد ذلك نخرج للطابور ويمتد اليوم حتى الواحدة والنصف عندما نعود للمنزل نكتب الواجب بملابس المدرسة وكان كتير ثم نتناول الغداء ونعود للمدرسة مع آذان العصر لفصول التقوية من الساعه ثلااثة إلى خمسة المغرب ثم نعود للمنزل لنكتب واجب مجموعات التقوية وكان يوم عيد لما يكون فيه ماتش للأهلى والزمالك وتُلغى المجموعات هذا هو اليوم الدراسى زمان ... مين من أولياء الأمور يسمح للمدرسة [ان تعامل أبناؤه بهذه الطريقة عجبى على ناس الزمن ده تصور أننا فى الصباح كان يتم عقاب المتأخر عن التحفيظ والمتأخر عن الطابور والغائب من مجموعات تقوية الأمس ولنا لقاء ان شاء الله
avatar
عبدالناصر النقراشى



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الثلاثاء 11 يناير 2011, 5:25 pm

كلنا بإذن الله إخوات

و نكمل مع بعض

كان آخر سؤال سألته

تتوقعوا أنه تلميذ فى أولى ابتدائى يحب؟؟؟؟

ممكن حد يتوقعها و ممكن حد يقول لاء

و ممكن حد يقول ده لعب عيال

بس انا أرد على الجميع و أقول أيوة

تصوروا انا حبيت فى أولى ابتدائى

و كانت زميلة ليا فى نفس الفصل و الكلام ده حصل بعد بدء الدراسة بشهر

و طبعا لأننا الثلاثى المرح كان لازم أول اتنين يعرفوا بالموضوع ده

هم محمود و محمود

و حبيــــــــــــت

و فضحت نفسى بنفسى

عقل طفل بقى

كل اللى أقابله فى سكتى أقوله أنا بحب البنت دى

و كان اسمها ما يفرقش عن اسمى غير حرفين بس

أظن الإسم إتعرف

ما علينا

عشت أحلى أيام الحب

و طبعا كان حب من طرف واحد

بس بحب

و كان كفاية عليا إنى بشوفها كل يوم و كمان بسلم عليها بس كنت بمشى علطول مش عارف ليه

يعنى تقريبا كده كنت بتكسف ما أقف قدامها

ما علينا

فاكرين الواد الأبيضانى اللى حكيتلكم عليه

ده اتعرفت عليه فيما بعد و كان اسمه محمود زين العابدين ندا

كان من المنصورة و ساكن قصاد المدرسة بالظبط

و كنت أروح عندهم البيت عادى بقى و نذاكر مع بعض

كلام فى سركم كنت أشطر منه

و كانت والدته هى اللى تقولى تعالى ذاكر مع محمود

ما علينا دى لفتة سريعة على محمود

محمود بقى عمل ايه

كنا فى تالتة ابتدائى و راح قال لصاحبتنا اللى بقولكم عليها عمر بيحبك

و علشان طبعا البنت صغيرة و متعرفش الكلام ده وقتها محطتش فى دماغها

( طبعا فى أيامنا دى الولد و البنت مصايب)

و عادى عدت على خير و حتى مرة تعبت روحنا أنا و شلة الثلاثى المرح نزورها فى بيتهم

و خدنا كل واحد علبتين عصير

هههههههههههههههههه

و والدتها جابتلنا كاكاو أنا فاكر اليوم ده كويس

و برضه عادى عدت الحياة زى ما هى

لحد ما جيه الأخ محمود صبحى عضو شلة الثلاثى و قالى

أنا بحبها زيك

طــــــــــــاخ

صــــــــــــدمـــــــــــة

و طبعا أكيد هيبقى فيه غيرة و حقد ما بينا

إزاى و مش إزاى و أنا اللى حبيتها الأول و كلام من كلام العيال ده

ههههههههههههههههههههه

كانت أيـــــــــام

و بقينا نتنافس فى حبها إحنا الاتنين

و جات سنة خامسة و طلعلنا غريم تالت

ههههههههههههههههه

اسمه أشرف مصطفى

و ضرب فيا زمبة عمرى ما هنساها

كانت طبعا صاحبتنا من الطالبات المتفوقات

و كانت صورتها فى لوحة الشرف

هههههههههههههههه

فكنا واقفين كشلة قصاد لوحة الشرف و روحت بكل براءة

و بوست صورتها

بوسة بريئة و الله

المهم أشرف يروح يقولها

عمر باس صورتك اللى فى لوحة الشرف

تقوم صاحبتنا تشتكى للأستاذ ممدوح بتاع الحساب

و يا جدعان كان عليه ضرب مقلكمش عليه

ما علينا

خدت علقة ميخدهاش حمار فى مطلع

و قدامها كمان
شوفوا بقى منظرى وقتها كان عامل إزاى

بتتضرب قدام اللى بتحبها

يا سلام

بس و الله وانا بضرب لسه فاكر نظرتها ليا

مش نظرة شماتة ولا فرح

بالعكس ممكن تكون نظرة لوم لنفسها إنها قالت للأستاذ و هى اللى خلتنى أضرب

ممكن تكون نظرة شفقة على حالى فى الوقت ده

الله أعلم

و علقة تفوت و لحد يموت

و طبعا كملت حبى ليها لحد أولى ثانوى تقريبا

و عشت معاها أحلى أيام حياتى فى الاعدادية

و طبعا علشان الكلام هنا على المرحلة الابتدائية

مش هتكلم على اللى حصل ايام الاعدادية

دة كانت قصة أول حب حبيته فى المرحلة الابتدائية

و لسه فى مغامرات كتير فى المرحلة الابتدائية

تابعونى

ســــــــــــــــلامــ لســـــه مــخـلـصش الــكــــلامـــ



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عماد الدين في الثلاثاء 11 يناير 2011, 5:46 pm

دة اكيد تعبير عن مشاعر حقيقة
ويا ترى الفتاة دى اخبارها ايه
وكملنا فى الحلقات التانية


[ندعوك للتسجيل في المنتدى أو التعريف بنفسك لمعاينة هذه الصورة]
avatar
عماد الدين



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف المدير العام في الثلاثاء 11 يناير 2011, 6:09 pm

الفتاة إتجوزت واحد كان شغال معايا فى نفس الفندق اللى كنت فيه و معاه طفل منه كمان

و بشوفها كتير معاه

بس

و إن شاء الله نكمل فى المساهمات الجاية حكايات عنها بس هتكون عابرة

و نستنى مساهمات من حد جديد غيرى بقى



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] لســت الأفــضل .. ولــكن لي أســـلوبي

سأظل دائما .. اتقبل رأي الناقد والحاسد

فالأول يصحح مساري .. والثاني يزيد من إصراري

سكوتي لايعني جهلي بما يدور حولي ولكن ما حولي لا يستـحق الكلام

avatar
المدير العام



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف ابوالحسن عبدالعظيم في الأربعاء 12 يناير 2011, 10:57 pm

الله ينور عليك يا ابوعمر

ابوالحسن عبدالعظيم



الرجوع الى أعلى الصفحة اذهب الى الأسفل

رد: ذكريات المرحلة الابتدائية

مُساهمة من طرف عبدالناصر النقراشى في الخميس 13 يناير 2011, 9:42 pm

طيب يا سيدى اسمع دى ...
عندما كنت فى الصف السادس حدث ذات مرة أن كانت عندنا حصة للأستاذ حسين القرش وكانت الحصة الرابعه وتقريباً كان حيسمع لنا دين أو أناشيد كان المرحوم حسين القرش يعبط على ال... المهم كنا بنخاف منه وفى هذه الحصة كنت تعبان وأشعر بصداع . اتنين من زملائى استأذنوا وذهبوا للمستشفى ولد وبنت واستطاعوا الحصول على الاذن خلال الفسحة يعنى بالعربى كده نفدوا من الحصة وعند بدء الحصة دخل الاستاذ حسين وفكرت آخد منه الاذن فوقفت وكنت خايف جدا قالى مالك قلت له عايز أروح المستشفى مع ... ( اسم البنت وكانت جميلة جداً ) المهم الله يرحمه قالى بتقول ايه والله عال ؟ وظل ينظر لزملائ ويقول عايز يروح مع فلانة واستمر ينظر الى طوال الحصة ويكررها وانا أبكى حتى انتهت الحصة .. وده من المواقف التى لا أنساها ابدا
avatar
عبدالناصر النقراشى



الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى